UMEMWAMINI YESU KRISTO KWA NAMNA GANI?

-

 


UMEMWAMINI YESU KRISTO KWA NAMNA GANI?






Umeshawahi kujiuliza kwanini Bwana Yesu alisema “amuaminiye yeye haukumiwi (Yohana 3:18)” harafu baadae anakuja na kusema tena “ANIAMINIYE MIMI KAMA VILE MAANDIKO YALIVYONENA? Umeshawahi tafakari kwa umakini maneno hayo ya Bwana?


Yohana 7:38  ANIAMINIYE MIMI, KAMA VILE MAANDIKO YALIVYONENA, mito ya maji yaliyo hai itatoka ndani yake. 


Bwana alisema hivyo kusudi kabisa kwa lengo la kutupa onyo sisi watu wa siku hizi za mwisho, kwani alifahamu kabisa kuwa, kutatokea watumishi wengi wa uongo watakaohubiri na kufundisha kwa jina lake na kuwafanya watu wengi wamwamini Yeye lakini kwa lengo la kuwadanganya, na ndio maana Bwana akaweka msisitizo kwa kusema, ANIAMINIYE MIMI, KAMA VILE MAANDIKO YALIVYONENA, ikiwa na maana kwamba, unaweza mwamini Yesu Kristo ila kivingine kabisa, tofauti kabisa na maandiko yalivyosema, na mwisho wa siku ukaishia kukataliwa.


Leo hii watu wengi tunamwamini Kristo lakini si kama vile maandiko yalivyonena, tunamwamini Yesu Kristo kama mawazo yetu yanavyonena, kama elimu zetu na tamaa zetu zinavyonena, tunamwamini Yesu Kristo kama maaskofu wetu na viongozi wetu wanavyonena na sio kama maandiko yanavyonena.


Kwa mfano; vijana wengi leo hii wanamwamini Kristo kama Bwana na Mwokozi wa maisha yao lakini bado wanapenda starehe na anasa za dunia hii, bado wapapenda party na night clubs, miziki ya kidunia na fashion za kila namna,  tofauti kabisa na maandiko yanavyosema…


1 Petro 4:2  Tangu sasa msiendelee kuishi katika tamaa za wanadamu, bali katika mapenzi ya Mungu, wakati wenu uliobaki wa kukaa hapa duniani.


 3 Maana wakati wa maisha yetu uliopita watosha kwa kutenda mapenzi ya Mataifa; kuenenda katika ufisadi, na tamaa, na ulevi, na karamu za ulafi, na vileo, na ibada ya sanamu isiyo halali; 


Watu wengi wanamwamini Kristo kwa dhati, na kukesha na kuomba, lakini wanafundishwa na viongozi wao chuki, wivu, na visasi juu ya majirani zao na ndugu zao, tofauti kabisa na maandiko yanavyosema..


Walawi 19:18  Usifanye kisasi, wala kuwa na kinyongo juu ya wana wa watu wako; bali umpende jirani yako kama nafsi yako; Mimi ndimi Bwana. 


Wengi wanafundishwa na kufundisha kupigana na kuwapiga adui zao kwenye maombi ya vita kwa jina la Yesu, kitu ambacho ni tofauti kabisa na maandiko yanavyosema na huku wanadai wamemwamini Kristo. Wengine wanachonga masanamu na kuyaabudu kinyume ma maandiko, wanawaomba watu waliokufa kinyume na maandiko. Lakini wamemwamimi Kristo na wana juhudi sana kwenye hivyo ila si katika maarifa kama biblia inavyosema…


Warumi 10:2  Kwa maana nawashuhudia kwamba wana JUHUDI KWA AJILI YA MUNGU, LAKINI SI KATIKA MAARIFA.


Wengine wamemwamini Kristo lakini wanavaa mavazi ya kikahaba (suruali na nusu uchi kwa wanawake, mavazi ambayo ni machukizo kwa Mungu), tofauti kabisa na maandiko yanavyosema na viongozi wao wanawaficha ukweli.


Wengine wanapinga maagizo ya Mungu kama ubatizo, kushiriki meza ya Bwana, kutawadhana miguu, wanawake kufunika vichwa wakati wa ibada na wanadai wamemwamini Kristo.


Ndugu unayesema umemwamini Kristo, chunguza mara mbili mbili ni kwa namna gani umemwamini Yesu Kristo, je! Ni kama dini yako na dhehebu lako linavyosema au ni kama maandiko yanavyosema? Huna budi kuchunguza na kuona ni kwa jinsi gani umeaminishwa Kristo katika maisha yako, hebu watafakari watu wa Beroya waliohubiriwa injili na Paulo pamoja na Sila nabii, hawakujali Kama Sila ni nabii wala hawakujali kama Paulo alitokewa na Bwana hadi kupofuka macho, vyote walivyohubiriwa kuhusu Kristo walitazama kama vinaendana na maandiko..


Matendo Ya Mitume 17:11  Watu hawa walikuwa waungwana kuliko wale wa Thesalonike, kwa kuwa walilipokea lile neno kwa uelekevu wa moyo, *wakayachunguza maandiko kila siku, waone kwamba mambo hayo ndivyo yalivyo*. 


Sasa inakuwaje wewe ambaye kwa sababu tu kiongozi wako anafanya miujiza, au kasomea biblia miaka kadhaa, au anavaa joho kubwa na msalaba mkubwa shingoni hutaki kuchunguza maandiko ili uone ni kwa jinsi gani umeaminishwa Yesu Kristo katika maisha yako?


Kumbuka: Dhehebu lako au miujiza ya nabii wako haiwezi kukupa wokovu. Hivyo basi, ni muhimu sana imani yako kwa Yesu Kristo iwe kama maandiko yanavyosema, kwani kwa hivyo tutaweza upata wokovu.


2 Timotheo 3:15  na ya kuwa tangu utoto umeyajua MAANDIKO MATAKATIFU, AMBAYO YAWEZA KUKUHEKIMISHA HATA UPATE  WOKOVU KWA IMANI ILIYO KATIKA KRISTO YESU.      


Bwana akubariki, Shalom.


Tafadhari washirikishe na wengine habari hii njema.

Taifa Teule Ministry

0628187291/0744474230

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma