KAMA MUNGU ANAJIBU MAWAZO KWANINI TUNAOMBA??

-

KAMA MUNGU ANAJIBU MAWAZO KWANINI TUNAOMBA??

Na: Minister Mathayo Sudai

Bwana asifiwe karibu tujifunze tena hapa...
Katika somo la nyuma tulijifunza kwamba Mungu ANAJIBU MAWAZO YAKO SIYO MANENO YAKO...
Kama hujalipitia somo hili ni vizuri ukalipitia ili ukija Kuendelea uwe unaelewa vizuri...

Bofya link hii hapa kwa somo hilo kabla hujaendelea na hili👇👇

https://elimuyabiblia.blogspot.com/2025/03/mungu-anajibu-mawazo-yako-siyo-maneno.html

Kama umeshaelewa njoo tuendelee...

Tuliishia kwenye kujiuliza
👉Kama ni hivyo kwamba Mungu anajibu mawazo Kuna haja gani ya kuomba???
👉Je nikiwa nawaza tu pekeyake si inatosha mimi kupata majibu?? Lakini tukasema Jibu ni kwamba
Japo kuwa Mungu ameyajibu mawazo yako lakini majibu yako hutayapata mkononi mwako mpaka utakapoomba(kutamka uliyokuwa unawaza) 🤔🤔

SASA
Ili kuelewa hapa ni lazima tukubaliane na Biblia kwamba Mungu anapohitaji kumuhudumia mwanadamu huwa hafanyi yeye bali watumishi wake ndiyo huwa wanafanya kazi hiyo na watumishi wa Mungu kwaajili ya kuwahudumia watu ni MALAIKA..

Waebrania 1:13-14
[13]Je! Yuko malaika aliyemwambia wakati wo wote,
Uketi mkono wangu wa kuume
Hata nitakapoweka adui zako chini ya nyayo zako?
[14]Je! Hao wote si roho watumikao, wakitumwa kuwahudumu wale watakaourithi wokovu?

Unaona hapo kumbe malaika ni roho wanaotumika kuwahudumia watu wa Mungu..

Sasa unapowaza/kufikiri Mungu ANAJIBU MAWAZO YAKO hata kabla hujaomba yaani haya majibu yanakuwa mikononi mwa malaika anayepaswa kukuletea majibu hayo lakini haanzi safari ya kuja kwako...

Na unapoomba sasa ndipo yule malaika mwenye majibu yako anaachiliwa kuja kwako... ( Prayer release an angel)

Hebu tuangalie biblia tulione hili....

Tuangalie kwa danieli palepale
Tuliona kwamba danieli alipowaza tu ile siku ya kwanza Mungu alimjibu na malaika alipokuja alisema hivi👇

Danieli 10:12
[12]Ndipo akaniambia, Usiogope, Danieli; kwa maana tangu siku ile ya kwanza ulipotia moyo wako ufahamu, na kujinyenyekeza mbele za Mungu wako, maneno yako yalisikiwa; nami nimekuja kwa ajili ya maneno yako.

Hebu soma kwenye hicho kipande cha mwisho... Malaika alisema NAMI NIMEKUJA KWAAJILI YA MANENO YAKO... 😄

Yaani ni kwamba mawazo ya danieli yalikuwa ni maneno mbele za Mungu na ndiyo maana Mungu akamjibu na alipoanza kuomba maana yake alitamka maneno sawasawa na yale yaliyopo kwenye mawazo na hayo maneno aliyokuwa akitamka kwenye maombi ndiyo YALIYOSABABISHA MALAIKA AJE.

Si mimi niliyesema ila ni malaika mwenyewe alisema,, NAMI NIMEKUJA KWAAJILI YA MANENO YAKO... Kwahiyo kumbe ukiwaza Mungu anasikia na kukujibu lakini unapoomba sasa ndipo yule malaika mwenye majibu yako anaachiliwa kuleta hayo majibu....

Mfano mwingine, tuangalie kwa Petro...

Matendo ya Mitume 12:1-7
[1]Panapo majira yale yale Herode mfalme akanyosha mikono yake kuwatenda mabaya baadhi ya watu wa kanisa.
[2]Akamwua Yakobo, ndugu yake Yohana, kwa upanga.
And he killed James the brother of John with the sword.
[3]Na akiona ya kuwa imewapendeza Wayahudi akaendelea akamshika na Petro. Siku hizo zilikuwa siku za mikate isiyochachwa.
[4]Alipokwisha kumkamata, akamweka gerezani akamtia mikononi mwa vikosi vinne vya askari wanne wanne, wamlinde, akitaka baada ya Pasaka kumtoa na kumweka mbele ya watu.
[5]Basi Petro akalindwa gerezani, nalo kanisa likamwomba Mungu kwa juhudi kwa ajili yake.
[6]Hata wakati Herode alipotaka kumtoa, usiku ule ule Petro alikuwa analala katikati ya askari wawili, amefungwa minyororo miwili; walinzi mbele ya mlango wakailinda gereza.
[7]Mara malaika wa Bwana akasimama karibu naye, nuru ikamulika mle chumbani, akampiga Petro ubavuni, akamwamsha, akisema, Ondoka upesi. Minyororo yake ikamwanguka mikononi.

Ukiendelea unaona Petro anaokolewa mpaka nje na huyo malaika

Unaona hapo... Herode alimuua YAKOBO lakini Mungu hakufanya chochote kumsaidia lakini alipokamatwa Petro tunaona Mungu alimuokoa kwa mkono wa malaika...

Je ni kwasababu Mungu alipanga iwe hivyo au alikuwa hampendi Yakobo??? Jibu ni hapana....

Lakini ukisoma vizuri wakati Petro kakamatwa kwenye mstari wa tano biblia inasema hivi👇

[5]Basi Petro akalindwa gerezani, nalo kanisa likamwomba Mungu kwa juhudi kwa ajili yake.

Unaona hapo anasema NALO KANISA LIKAMWOMBA MUNGU KWA JUHUDI KWAAJILI YA PETRO...

Kwanini Yakobo hakuokolewa??? Ni kwasababu kanisa halikuomba lakini Petro alipokamatwa kanisa lilishtuka likaona huu siyo mpango wa Mungu  ndipo likaomba...

Haya maombi ya kanisa ndiyo yaliyosababisha malaika kuachiliwa na kumuokoa Petro...Kwa hiyo maombi husababisha malaika kuachiliwa na kuleta majibu....

Katika wafilipi 4:6 Biblia inasema

Wafilipi 4:6
[6]Msijisumbue kwa neno lo lote; bali katika kila neno kwa kusali na kuomba, pamoja na kushukuru, haja zenu na zijulikane na Mungu.

HAJA ZENU NA ZIJULIKANE NA MUNGU...
Unaweza kuwa unapitia hali mbaya na wewe ukasema haina haja ya kuomba kwasababu Mungu anaona... Hapo utakuwa unakosea na hutapata au Mungu hatakusaidia na si kwamba hakupendi ila anasema tuseme haja zetu kwasababu unapotamka ndipo malaika mwenye majibu anaachiliwa (Maombi humuachilia malaika)...

Kwa hiyo tukiunganisha na somo la kwanza tunapata Kuelewa jambo hili hapa kwamba...

TUKIWAZA MUNGU ANASIKIA NA KUJIBU NA TUKIOMBA MALAIKA ANAACHILIWA KULETA MAJIBU YETU...

Si ajabu hata biblia inasema Mungu anayajua mawazo ya watu....

Zaburi 94:11
[11]BWANA anajua mawazo ya mwanadamu,
Ya kuwa ni ubatili.

Mathayo 9:4
[4]Naye Yesu, hali akijua mawazo yao, akasema, Mbona mnawaza maovu mioyoni mwenu?

Baada ya kuwa Mungu anajua mawazo yetu sasa anasisitiza Tuombe bila kuchoka maana yake tuyaseme yaliyopo kwenye mawazo yetu maana tunapotamka ndipo malaika wake anaachiliwa kuleta majibu...

Mungu akubariki sana

Kama una swali lolote hapo kuhusu somo hili karibu sana uliza, komenti pia

Minister Mathayo Daudi Sudai
0744474230


Maoni

Chapisha Maoni

Machapisho maarufu kutoka blogu hii

WANAWAKE 21 KATIKA BIBLIA NA MAHUDHUI YAO

-
Picha
 Mimi ni ndugu yako,  Mtumishi wa Mungu, MATHAYO DAUDI SUDAI.  Karibu mtu wa Mungu katika kujifunza nafasi ya mwanamke katika Biblia, leo tuwaangalie wanawake 21 waliopata nafasi ya kuandikwa katika Biblia. wapo ambao ni mifano mizuri ya kuiga, na pia kuna wengine ambao hufai kuwaiga kama mwanamke ila jifunze tu kisha uepuke waliyoyafanya.   karibu sana.    SWALI: Wanawake Katika Biblia—Tunaweza Kujifunza Nini Kutoka Kwao?   JIBU    Katika Biblia, tunasoma kuhusu wanawake wengi ambao maisha yao yanatufundisha masomo yenye thamani. Makala hii inazungumzia kwa ufupi tu baadhi ...
Endelea kusoma

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

TOFAUTI KATI YA DHAMBI UOVU NA MAKOSA

-
Picha
          TOFAUTI KATI YA DHAMBI UOVU NA MAKOSA DHAMBI  ni uasi wa sheria ya MUNGU. Ni matendo yote yaliyo chukizo kwa MUNGU. 1 Yohana 3:4  " Kila mtu afanyaye dhambi,afanya uasi maana dhambi ni uasi." UOVU Ni dhambi iliyokomaa na kuwa ya kujirudiarudia kwa mhusika 👉Hii ni pale ambapo mtu anakuwa ameifanya dhambi kuwa desturi yake, na hutenda mara kwa mara.  Isaya 59:2  " lakini maovu yenu yamewafarikisha ninyi na MUNGU wenu, na dhambi zenu zimeuficha uso wake msiuone, hata hataki kusikia." MAKOSA Hii inahusisha utendaji wa mambo mabaya/ yasiyofaa kwa kukusudia au kutokukusudia, kwa kujua au kwa kutokujua.   👉 Lakini kwenye maisha ya kawaida si kila kosa ni dhambi ila dhambi zote ni makosa  Maneno yote matatu yanabeba kile na yana uwezo wa kumfanya mtu kuwa mbali na Mungu.  na husamehewa kwa kutubu tu! wala si kutenda wema. ni lazima utubu ndipo uanze kufanya wema 👍Mtu akitubia DHAMBI zake na kuacha kabisa anasamehewa. 👍Mtu...
Endelea kusoma