USIWE KAMA NGURUWE ANAYEOGA NA KISHA KURUDIA MATOPE

-


 USIWE KAMA NGURUWE ANAYEOGA NA KISHA KURUDIA MATOPE

Wakolosai 2:20-22

[20]Basi ikiwa mlikufa pamoja na Kristo mkayaacha yale mafundisho ya awali ya ulimwengu, kwa nini kujitia chini ya amri, kama wenye kuishi duniani, [21]Msishike, msionje, msiguse;[22](mambo hayo yote huharibika wakati wa kutumiwa); hali mkifuata maagizo na mafundisho ya wanadamu?

  Bwana Yesu asifiwe sana 

Nawasalimu kwa jina la YesuYesu. 

Kwakuwa tulikombolewa kutoka kwenye dhambi, laana mbalimbali na mateso,

Tukatolewa kwenye asili zetu za matambiko na  mizimu ya makabila yetu basi hatupaswi kurudia huko kwenye Mambo yasiyofaa maana tumeokolewa kwa neema. 

Na ukumbuke ukisharudi nyuma gharama ya kuanza kuitafuta neema tena unaweza usiipate mpaka Mungu mwenyewe aamue kukuokoa tena. 

Sikiliza🧏🧏‍♀️ mama, baba, kijana✍️

Kuna vitu vingine haupaswi hata kuvigusa

Wala kuonja,  Wala kushika tena kwasababu;ulishaachana navyo basi haupaswi kuvirudia tena. Umeokoka wewe😊

Unaweza ukajihoji nafsi yako namna unavyoenenda ili roho yako iwe salama. 

Mfano 

Ulizowea kutoa sadaka kwa mizimu ya kwenu. 

Kwasababu umeokolewa haupaswi kushiriki tena kwa sadaka, au ibada zao hata kama huendi kimwili. 

Usiseme mi nawapa tu hizo sadaka za mizimu ila mimi siwezi kwenda😁😊🏃‍♀️🏃‍♀️

Tambua kwamba uwepo wako hapo kwenye ibada za sanamu unawakilishwa na sadaka uliyoitoa hata kama wewe haupo pale kimwili. 

Mathayo 6:21

[21]kwa kuwa hazina yako ilipo, ndipo utakapokuwapo na moyo wako.

Hapo unakuwa umeipeleka nafsi yako kushiriki zile ibada hata kama muda huo upo kwenye ratiba zako nyingine. 

Nadhani unanielewa hapa😁✋

Yamkini dhambi ya uzinzi ilikutesa sana basi sasa umeshaokoka umeokolewa kwa neema tu, usitamani tena kujihusisha na mambo yote ya uzinzi na yanasababisha uzini. 

Zuia tamaa yako ya mwili isije ikakupeleka jehanamu kwenye ziwa la moto wa milele( huko ni vilio na kusaga meno). Roho mtakatifu akusaidie sana. 

Warumi 8:13

[13]kwa maana kama tukiishi kwa kufuata mambo ya mwili, mwataka kufa; bali kama mkiyafisha matendo ya mwili kwa Roho, mtaishi.

Yamkini ulikuwa Unafanya biashara fulani zisizo na utukufu kwa Mungu ( Biasahara haramu) na Mungu akakuokoa, 

Basi haupaswi kuzifanya tena hata Kama zilikuwa zinakupa faida kubwa kiasi gani kwasababu utakuwa unajitia unajisi tena roho yako. 

🔥Ni kama nguruwe kuogeshwa kisha kuyarudia matope

Yamkini ulizowea kudanganya watu, ili ufanikiwe jambo fulani, (utapeli) 

Usitamani mafanikio yasiyokuwa na jasho

Fanya kazi halali Mungu atakuinua zaidi ukimtumaini yeye. 

Maana Mungu anasema yeye atatupatia zaidi ya yale tumwombayo. 

Waefeso 3:20

[20]Basi atukuzwe yeye awezaye kufanya mambo ya ajabu mno kuliko yote tuyaombayo au tuyawazayo, kwa kadiri ya nguvu itendayo kazi ndani yetu;

Yamkini kuna marafiki au mazingira fulani ulizowea kwenda na baada ya kuokoka  moyo unakuhukumu ukienda au ukiambatana na hao marafiki huoni raha, usiende tena. 

Na ili upande ngazi kiroho yaani kutoka utukufu hadi utukufu ni lazima uepuke mambo yote yanayokupelekea wewe kurudia uovu yaani dhambi. 

Huwezi kupandishwa ngazi ikiwa wewe ni mtu wa namna hiyo, badala yake utabaki na wokovu wa kawaida tu, wokovu jina ( wa mazoea) . 

Hitimisho

Nikukumbushe hili kwamba;

WALIO ROHONI HUONGOZWA NA ROHO MTAKATIFU

Fanya Mambo yakupasayokufanya kwa mapenzi ya Mungu Baba pekee.


Barikiwa sana.


Mwl Beata Tito

@Taifa  Teule Ministry

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma