USIYAKUBALI MASHTAKA YA SHETANI

-

 

USIYAKUBALI MASHTAKA YA SHETANI

Na. Min Mathayo Sudai

Bwana Yesu asifiwe watu wa MUNGU, leo ni siku nyingine nakukaribisha kwenye ujumbe mzuri ambao utakusaidia kusonga mbele kwa jina la Yesu…..

Ni mara nyingi katika dunia hii, watu wengi wanamjua Yesu au wanaokoka baada ya kuwa wameishi kwenye dhambi kwa muda mrefu….

Sasa wanapookoka huteswa na hali zao za nyuma za yale maisha ya dhambi kwasabbau ndani ya mawazo/ akili zao huanza kujiona kana kwamba wanamaovu mengi, hawastahili kusimama mbele za Mungu na jambo hili hupelekea kuwa na wasawasi juu ya hata zile toba ambazo walifazifanya. Huanza kuwa na mashaka na hata kudhania kuwa maombi yao hayasikiki kabisa mbele za Mungu …na madhara ya jambo hilo ni kwamba WANASHINDWA KUSONGA MBELE….

Lakini ashukuriwe Mungu aliyetupa neno lake kwa kinywa cha mtume Paulo kusema hivi…

WARUMI 8:1-2                                                                                                                                  1 Kwa hiyo, sasa hakuna hukumu ya adhabu kwa wale walio ndani ya Kristo Yesu, wale ambao hawaenendi kwa kuufuata mwili bali kwa kufuata Roho. 2 Kwa sababu sheria ya Roho wa uzima katika Kristo Yesu imeniweka huru mbali na sheria ya dhambi na mauti.

Unaonma hapo, kumbe unapokuwa ndani ya Kristo Yesu wewe huhusiki tena na mashtaka ya yale maovu ambayo uliyafanya….na si hivyo tu hata unapokuwa umeokoka na ukajikwaa yaani ukatenda dhambi, basi ni lazima ujue kwamba ukitubu tu Mungu anakusamehe na anayasahau kabisa makosa yako yote…..na hapo kinachofuata ni kwamba shetani ataanza kukukumbusha zile dhambi ulizozifanya, atakukumbusha kwamba kuna siku ulizini na mtu, atakukumbusha kwamba kuna siku ulilewa pombe na ukawatukana watu, atakukumbusha kwamba wewe uliiba, au ulidanganya na mengine mengi tu…..

Na kuna wengine hata wanapokuwa wanaomba au wanasoma neno la Mungu na kulitafakari, ghafla hushangaa wanaanza kukumbuka dhambi zao jambo linalowafanya washindwe kusonga mbele kwasabbau ya kujiona mchafu….

Hata shetani anajua kwamba ukiwa unaomba au unasoma neno la Mungu, anajua kabisa kwamba unafanya jambo zuri na la msingi sana ambalo linaleta hasara kwa ufalme wake, sasa anachokifanya ni kukuletea kumbukumbu za mambo uliyowahi kuyafanya…utaona wewe mwenyewe unaanza kujidharau na kusema kwamba “mimi siwezi kumwimbia Mungu maana ni mchafu” , au “mimi sifai mbele za Mungu kwa yale niliyoyafanya “ au  ”ivi dhambi zangu zilisamehewa kweli”…..

Na wakati mwingi shetani atawatumia watu ambao waliwahi kukuona ukifanya dhmabi na wataongea maneno ya kukudharau sana….

Jambo hilo linakufanya unashindwa kusonga mbele kabisa kwa kujiona hufai….

Lakini leo natamani ujue kuwa tunapookako historia zetu mbaya zote hufutwa

Isaya 43:25                                                                                                                                                               “Mimi, naam mimi, ndimi nizifutaye dhambi zako, kwa ajili yangu mwenyewe, wala sizikumbuki dhambi zako tena.

Kama mkristo ni lazima ujue kuwa ndani mwetu hutunzwa taarifa ya kila kitu ambacho mtu anakiwaza, ambacho uliwahi kukisema, kukifanya, kukitafakari na pale mtu anapokufa Mungu anaziweka wazi kazi zote ambazo uliziendea huyo mtu…lakini katika ulimwengu huu na ulimwengu wa roho, kuna nguvu moja tu ambayo inaweza kufuta historia mbaya yote ambayo ulishawahi kuiweka, na hiyo nguvu inaitwa DAMU YA YESU……Haleluyaaaa…

Kumbe tunapotubu dhambi maana yake tunakombolewa kwa kutolewa kwanye maisha ya dhambi….

WAKOLOSAI 1:13-14                                                                                                              13 Naye alituokoa kutoka kwa nguvu za giza, akatuhamisha na kutuingiza katika ufalme wa Mwana wake mpendwa; 14 ambaye katika yeye tuna ukombozi, yaani, msamaha wa dhambi.

Sasa kama tunasamehewa dhambi maana yake tunakuwa wapya kwa kuingizwa kwenye ufalme wa Mungu na tunaanza maisha mapya ndani ya Kristo….

2 WAKORINTHO 5:17                                                                                                   Hata imekuwa, mtu akiwa ndani ya Kristo amekuwa kiumbe kipya; ya kale yamepita, tazama! Yamekuwa mapya.

Sasa kuokoka kunatufanya sisi kuwa na wakili mwaminifu yaani Yesu Kristo ambaye yeye ndiye anayetutetea pale hukumu inapotaka kusimama kwetu…yaani ni hivi,……unapotenda dhambi maana yake lazima upate mshahara wako yaani mauti lakini unapochukua hatua ya kutubu na kuoshwa kwa damu ya Yesu ni kwamba inapotakiwa kusimama ile hukumu YESU mwenyewe anasimama kwenye hiyo kesi na kusema kwamba “MIMI NILISHAKUFA TAYARI KWAAJILI YA MAKOSA YA HUYU MWANANGU “  …..na hiyi ndiyo maana Biblia inasema tunapokuwa katika Kristo basi hauna kukumu kwetu kwasababu yupo anayesimama kututetea na kuizuia hukumu…..

WAKOLOSA2:14                                                                                                                    akiisha kuifuta ile hati iliyoandikwa ya kutushitaki kwa hukumu zake, iliyokuwa na uadui kwetu; akaiondoa isiwepo tena, akaigongomea msalabani;

KWAHIYO mtu wa Mungu ni lazima ulijue hilo ili shetani asipate nafasi ya kukuzuia kusonga mbele kwa kujiona kuwa ni mchafu, hufai n.k…

Na unapokuwa unajihusisha na maombi au kusoma neno au jambo lolote lile na ghafla mshtaki wetu yaani shetani akakukumbusha mambo ya nyuma ambayo pengine yanakuumiza basi hapohapo anza kusema maneno ya ukiri na kutanganza kama haya …NIMEKOMBOLEWA KWA DAMU YA YESU, HATA SASA MIMI NIMWANA WA MUNGU NILIYEZALIWA SI KWA DAMU AU KWA NYAMA BALI NI KWA ROHO, KAMA ILIVYOANDIKWA KWAMBA NINAPOOKOKA YA KALE YAMEPITA SASA YAMEKUWA MAPYA NA MIMI NAKATAA MASHTAKA YA KIPEPO KWA JINA LA YESU, KAMA ILIVYOANDIKWA KATIKA WARUMI 8 YA KWAMBA HAKUNA HUKUMU JUU YA WOTE WALIO NDANI YA KRISTO YESU, NAMI LEO NASIMAMA KINYUME NA MASHTAKA AMBAYO SHETANI ANAYATUMIA KUNIRUDISHA NYUMA, NINAYAPINGA KWA DAMU YA YESU, NINAYAKATAA KWA JINA LA YESU…..MIMI NI WAJUU SIKU ZOTE MAANA NIMEKETISHWA PAMOJA NA KRISTO KATIKA MKONO WA KUUME WA MUNGU…IMEANDIKWA KWAMBA BWANA ATAYASAHAU MAKOSA NA DHAMBI ZANGU NAMI KWA IMANI, NINAYAKATAA MASHTAKA YOTE YA MWOVU SHETANI NA NINAKIRI UZIMA, AFYA, AMANI, NA USHINDI KWA JINA LA YESU…..

ukiwa ni mtu wa kusema maneno kama hayo katika uombaji wako basi shetani atajua wewe si mjinga bali unafahamu kuwa wewe ni nani…na nikuhakikishie kwamba utaendelea kusonga mbele bila kurudi nyuma kwasababu ya hayo mashtaka ya adui

Mungu akubariki sana

 

Taifa Teule Ministry                                                                                                               Min. Mathayo Sudai                                                                                               0744474230

 

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma