KUDHARAU NI DHAMBI

-

                


KUDHARAU NI DHAMBI

Bwana Yesu asifiwe watu wa MUNGU, leo ni siku nyingine ambayo Mungu ametupa kibali cha kuendelea kuwa salama katika yeye.

Naomba tujifunze kuhusu ujumbe wa leo unaotoka kwenye kitabu cha Mithali 14:21......

Hapo Biblia inasema kuwa👇

"Amdharauye mwenzake afanya dhambi;
Bali amhurumiaye maskini ana heri".

Sasa ukianza kulitazama vizuri neno hilo utagundua kitu cha awali kabisa kuhusu DHARAU na namna dharau inavyoweza kumfanya mtu kukaa mbali na MUNGU. Na dharau inamtenga mtu na Mungu kwasababu ni dhambi...

👉jambo hili yafaa uwe nalo makini pale ambapo utakuwa unaishi huku ukiwa na vya ziada kuliko wengine kwasababu dharau mara nyingi huwa kwa mtu mwenye kitu zaidi ya wenzake....
👉wengine wanapoanza kumiliki gari zuri tu, anaanza kudharau wenzake
👉mwingine akifanikiwa kiuchumi kuliko wenzake basi anaanza kuwadharau wengine
👉mwingine akijua tu kuwa yeye noi mzuri basi uzuri wake unafanyika sababu ya kuwadharau wengine..

lakini leo ninatamani ujue kuwa kuwadharau wengine ni dhambi na hiyo ni kwasababu unapoonyesha kumdharau mtu mwingine maana yake unaudharau uumbaji wa Mungu, kwasababu alivyo mtu ni matokeo ya uumbaji wa Mungu hivyo usimdharau mtu ni DHAMBI...

👉na dharau yaweza kuonekana katika aina ya kipaumbele ulichonacho mbele za watu, katika kuwajali na kuwapa nafasi au kibali
👉kuna mtu huwa anapenda kuwaheshimu matajiri tu kwakudhani kuwa ndiyo watu wazuri kuliko maskini
👉mwingine utamkuta ni mtu wa kuwabagua watu kwa kutazama hali zao, elimu zao, kabila, kipato, n.k bila kujua kwamba anafanya dharau...

hebu soma habari hii

Yakobo 2: 1-9
"Ndugu zangu, kama waaminio katika imani ya Bwana wetu Yesu Kristo, Bwana wa utukufu, msiwe na upendeleo kwa watu. 2 Kwa maana kama akija mtu katika kusanyiko lenu akiwa amevaa pete ya dhahabu na mavazi mazuri, pia akaingia mtu maskini mwenye mavazi yaliyochakaa, 3nanyi mkampa heshima yule aliyevaa mavazi mazuri na kumwambia, “Keti hapa mahali pazuri,” lakini yule maskini mkamwambia, “Wewe simama pale,” au “Keti hapa sakafuni karibu na miguu yangu,” 4 je, hamjawabagua na kuwa mahakimu mioyoni mwenu mkihukumu kwa mawazo yenu maovu?
5 Ndugu zangu, sikilizeni: Je, Mungu hakuwachagua wale walio maskini machoni pa ulimwengu kuwa matajiri katika imani na kuurithi Ufalme aliowaahidi wale wampendao? 6 Lakini ninyi mmemdharau yule aliye maskini. Je, hao matajiri si ndio wanaowadhulumu na kuwaburuta mahakamani? 7Je, si wao wanaolikufuru Jina lile lililo bora sana mliloitiwa?
8 Kama kweli mnaitimiza ile sheria ya kifalme inayopatikana katika Maandiko isemayo, “Mpende jirani yako kama unavyoipenda nafsi yako,” mnafanya vyema. 9 Lakini kama mnakuwa na upendeleo kwa watu, mnatenda dhambi, na sheria inawahukumu kuwa ninyi ni wakosaji "
👉kumbe unapoonyesha kuwajari matajiri kuliko maskini hapo unakuwa unafanya dharau ambayo kimsingi ni dhambi mbele za MUNGU.
👉hivyo usimdharau mtu mmoja na kumweshimu mwingine maana heshima yako kwa huyo itaonekana kuwa si kitu machoni pa Mungu

kwasababu baya moja huharibu mema yote, hivyo kumheshimu mmoja tajiri na kuwadharau wengine maskini ni jambo lisilokuwa na dhawabu mbele za Mungu.

AMHURUMIAYE MASKINI ANA HERI

sasa Biblia inapotaja neno heri huwa na maana ya BARAKA, ikiwa na maana kuwa unapochukua jukumu na tendo la kuwaheshimu masikini ni jambo ambalo linakuletea baraka....

Sasa unaweza kujiuliza, mbona hajasema KUWADHARAU MATAJIRI...???

Hapo jibu ni kwamba Biblia imeweka wazi kwamba matajiri siku zote huheshimiwa sana na watu wenye mwili...kwasababu ya utajiri walionao, na masikini budharauliwa kwasababu ya umaskini wao.

Mithali 14:20 Biblia inasema kuwa👇

"Maskini huepukwa hata na majirani zao,
bali matajiri wana marafiki wengi.

Sasa hapo amezungumza hali halisi iliyopo katika ulimwengu kuhusu namna ambavyo watu huenenda mbele za maskini na matajiri....lakini kwenye mstari wa 21ndipo akatuambia kuwa hutatakiwi kuwadharua wale ambao wanadharauliwa huko duniani maana ni uvunjivu wa amri ya Mungu hivyo ni dhambi...

👉Tena hapa jifunze kwamba si kwasababu kitu kinafanywa huko duniani basi inatakiwa na wewe ukifanye..HAPANA...bali wewe fanya kitu sahihi kilichotoka kwenye kinywa cha BWANA wa majieshi...kwasababu neno lake ni kweli, ni hakika, pia ni safi na halitenguliwi wala kuvunjwa na yeyote zaidi ya yote ndiyo taa ya kutuongoza miguu yetu tunapotembea katika maisha yetu ili tusipotee...

Zaburi 119:105
"Neno lako ni taa ya miguu yangu, Na mwanga wa njia yangu. "
Zaburi 12:6 
"Maneno ya BWANA ni maneno safi, Ni fedha iliyojaribiwa kalibuni juu ya nchi; Iliyosafishwa mara saba."

Hivyo mtu wa Mungu....USIMDHARAU MTU YEYOTE

Mungu akubariki sana

Taifa Teule Ministry
Mwl/Ev. Mathayo Daudi Sudai
0744474230/0628187291

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma