JE UNA UPENDO WA KWELI

-


 JE UNA UPENDO WA KWELI ?

Bwana Yesu asifiwe asifiwe watu wa Mungu, Karibuni katika siku nyingine ambapo tutatazama jinsi ambavyo tunatakiwa kuonyesha upendo si kwa Mungu tu bali na kwa watu wingine tunaoishi nao....

Kuna namna ambayo Mungu anauona upendo kama upendo na si kama wanadamu Wengi katika mataifa wanavyotazama ...


Hebu soma hapa👇


Warumi 13:8-10

[8]Msiwiwe na mtu cho chote, isipokuwa kupendana; kwa maana ampendaye mwenzake ameitimiza sheria.

[9]Maana kule kusema, Usizini, Usiue, Usiibe, Usitamani; na ikiwapo amri nyingine yo yote, inajumlishwa katika neno hili, ya kwamba, Mpende jirani yako kama nafsi yako.

[10]Pendo halimfanyii jirani neno baya; basi pendo ndilo utimilifu wa sheria.


Anaannza kwa kusema MSIWIWE

👉Sasa kuwiwa ni kama kudaiwa kitu, au kuwa na deni na mtu fulani...

👉Anasema msiwiwe na mtu chochote isipokuwa kupenda....

Hapa ni lazima ujue kuwa sheria ya Mungu inamtaka kila mtu apendane au ampende mwenzake au ndugu yake...

NA kwa kufanya hivyo maana yake unakuwa umetimiza sheria zote...


Kivipi?

Ni hivi...Mungu ametoa makatazo au sheria nyingi juu ya mambo ambayo mtu hatakiwi kuyafanya..kwa mfano usiibe, usizini, usije n.k


Lakini sasa ukiziangalia hizo zote utagundua zinamhusu mtendaji na mtendwaji .....

👉Ukimfanyia mbaya unakuwa umemfanya yeye kuwa sehemu mbaya ambayo hakustahili kuwa nayo...Kwahiyo Hili linaonekana kana kwamba unadeni na mtu fulani....

👉Au unapomkosesha mtu, au unapokosana na mtu, unakuwa hujatimiza sheria za Mungu kwasababu Kuna mtu ambaye unadeni au tatizo naye....


NA ndiyo maana hata Yesu alisema kama Kuna mtu umekosana naye Basi hata sadaka usitoe mpaka upatane naye ndipo uje utoe sadaka..hii ni kwasababu unapokuwa umekosana na mtu maana yake unadeni naye na hujatimiza sheria za Mungu hivyo Mungu haipokei sadaka yako..


Mithali 15:8

[8]Sadaka ya mtu mbaya ni chukizo kwa BWANA; 

Bali maombi ya mtu mnyofu ni furaha yake.


Kwahiyo ni lazima uhakikishi hakuna mtu anayekuwia kitu chochote ili kisiwepo kikwazo cha wewe kusogea mbele za Mungu...


Kwahiyo Mungu kusema au kutoa amri zile zote alikuwa anahitaji au anazungumza kuhusu UPENDO


👉Ukimpenda mtu hatazini naye kwasababu hupendi apotee na ndiyo maana Mungu akasema USIZINI 

👉Ukimpenda mtu hutaweza kumwibia kitu ukijua kabisa kwamba utamrudisha nyuma katika maendeleo yake na ndiyo maana Mungu akasema USIIBE..

👉Ukimpenda mtu hutamuua ukijua kabisa kumuua ni kukatisha kwa ghafla na kumkosesha kile alichokuwa amepangiwa na Mungu kukiishi au kukipata na ndiyo maana Mungu akasema USIUE....

👉Ukimpenda Mungu, hutaweza kumchanganya yeye na miungu mingine na ndiyo maana akasema ..USIWE NA MIUNGU MINGINE

👉KUMPENDA JIRANI KAMA NAFSI YAKO ni kwamba huwezi kumfanyia kitu ambacho kitamletea madhara ya kumuangamiza au hlkumtenga mbali na dhambi ..


NA ndiyo maana kabla haujaenda kuzini na binti/ au kijana yeyote ni lazima ujue unachoenda kukifanya ni kumkosea Mungu lakini pia ni kumharibia mwenzako maisha Kwahiyo tafsiri ya hapo ni kwamba humpendi ,..HUNA UPENDO..


🤔Kwahiyo amri za Mungu kwaujumla wake zipo ndani ya neno UPENDO ...Kumpenda Mungu na wenzetu pia..

KIONGOZI


NA mstari wa Kumi ndipo anapoweka vizuri kwa kusema PENDO HALIMFANYII JIRANI BAYA..


Maana yake Ukimpenda mtu...

👉Hutamdhuru

👉Hutamuangamiza

👉Hutamtenga na Mungu

👉Hutafurahia kuumia kwake

👉Utapenda afanikiwe

👉Hutaruhusu wewe kuwa sababu ya anguko lake kwa kujua kabisa..


Yaani hutamfanyia ubaya wowote...


Ukiona Kuna mtu anasema anakupenda lakini anakufanyia ubaya, au anapenda uumie au anafanyika sababu ya wewe kuwa mbali na Mungu basi jua kabisa kwamba huyo anakupenda lakini upendo wake una unafki ndani yake ...


Kwasababu hiyo upendo wa namna hiyo hauwezi Kutimiza sheria ya Mungu...


Warumi 12:9-10

[9]Pendo na lisiwe na unafiki lichukieni lililo ovu, mkiambatana na lililo jema.

[10]Kwa pendo la udugu, mpendane ninyi kwa ninyi; kwa heshima mkiwatanguliza wenzenu;


Unaona hapo kumbe upendo unaweza kuwa na unafiki...

👉Ukiona una upendo wa unafiki Basi hata usijaribu kumwambia mtu kuwa unampenda, kwasababu atajua Ana rafiki na hata pengine kukuamini sana lakini kumbe wewe mwenyewe huelewi maana ya Upendo ....


NA hapa ni lazima kila mtu aukubali ukweli huu kwamba Kuna wakati Ambao wakristo huwa katika mahusiano ya kati ya kijana na binti wakidai wataoana, na kila mtu utakuta anamwambia mwenzake I kuwa anampenda na wanaishi tu...


Kimsingi hakuna tatizo ...

Lakini tatizo huanza pale ambapo hawa watu wataanza kuyaishi maisha nyeti kabla ya wakati wake nikiwa na maana kuwa wataanza kufanya tendo la ndoa kabla ya ndoa...na hapo ndipo maana ya UPENDO anaoutaka Mungu unakuwa umevunjika..

I abaki kudanganyana tu kati ya Hao watu na kujifariji....


👉Ukifikia hatua hiyo Basi jua ni upendo wa kawaida tu kama watu wa Mataifa WASIOMJUA Mungu wanavyopendana wakiamini hiyo ndiyo maana ya upendo...kumbe wamepofushwa macho na Ibilisi baba wa watendao uovu ( Yohana 8: 44 )


👉Kwasababu upendo wa kimungu huwa haumfanyii jirani, ndugu au rafiki ubaya ..Sasa kama unafanya uasherati na mtu huoni kwamba Unamfanya unamtenda ubaya mwenzako ...


NA ndiyo maana hata Kumpenda Mungu kunakamilishwa na wewe Kumpenda kwanza jirani yako( kutomfanyia ubaya kwa kuvunja sheria ya Mungu ) ...kwasababu Kumpenda Mungu maana yake no kushika sheria zake ...

NA wala hatutakiwi kumwambia Mungu kwa vinywa vyetu kwamba tunampenda bali tujipime wenyewe kwa kujiangali kama kweli tumezishikana kuziishi amri zake..???


Yohana 14:21

[21]Yeye aliye na amri zangu, na kuzishika, yeye ndiye anipendaye; naye anipendaye atapendwa na Baba yangu; nami nitampenda na kujidhihirisha kwake.


Kwahiyo ukimpenda mtu na bila kuwa na unafiki yani kutokumfanyia ubaya ni ishara pekee kwamba tumezishika amri za Mungu na kwasababu hiyo Basi tunampenda Mungu...


Hebu soma hapa👇


1 Yohana 4:20-21

[20]Mtu akisema, Nampenda Mungu, naye anamchukia ndugu yake, ni mwongo; kwa maana asiyempenda ndugu yake ambaye amemwona, hawezi kumpenda Mungu ambaye hakumwona.

[21]Na amri hii tumepewa na yeye, ya kwamba yeye ampendaye Mungu, ampende na ndugu yake.


HEBU JITAFAKARI, JE UNA UPENDO WA KWELI ???



Mungu akubariki sana 


Taifa Teule Ministry 

Mwl /Ev Mathayo Sudai 

0744474230 /0628187291 


Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma