USIMDHARAU UNAYEMDHARAU

-

 USIMDHARAU UNAYEMDHARAU

Bwana Yesu asifiwe watu wa Mungu

Leo ni siku nyingine naomba tujifunze jambo la msingi kwa jinsi ya kuishi katika usalama pamoja na wale wanaoonekana kuwa ni wanyonge.

Biblia inasema hivi👇

Mithali 22:22-23

[22]Usimnyang’anye maskini, kwa kuwa ni maskini; 
Wala usimdhulumu mtu mnyonge langoni;
[23]Kwa sababu BWANA atawatetea; 
Naye atawateka uhai wao waliowateka.

Kuna watu wengi huwa wanapokuwa katika nafasi fulani, kazi fulani, cheo fulani au kuwa na kitu chochote ambacho wengine ( maskini) hawana...basi huwa ni kama fimbo ya kuwapigia wenzao.

👉Unapoishi katika maisha yako pamoja na baraka zote apizokubaliki Mungu basi Usimnyang’anye haki ya maskini kwa kudhania kuwa ni maskini hawezi kukufanya lolote.

👉Pia Biblia inasema USIMDHULUMU...

👉Sasa ni lazima ujue kuwa unapokuwa katika nafasi yoyote ile ya mafanikio ya namna fulani, jitahidi sana usije ukafikiri labda wewe ni bora kuliko wengine au wewe ni wathamani kuliko wale wasipokuwa nacho.

👉Kuna watu wengi wakipata mali wanakuwa tishio kwa wengine

👉Kuna watu wanawanyanyasa wengine kwasababu ya cheo alichonacho

👉Wengine wanawataabisha wengine kwasababu ya pesa walizonazo

👉Wengine wana wadharau wengine kwasababu ya aina ya maisha walionayo yanawapa kiburi na kuwaona wenzao hawana maana tena.

Jitahidi kujua kuwa anayewalinda wanyonge na wenye nguvu ni Mungu pekee na wote anawatazama na kuwathamini kwa wakati mmoja.

👉Maskini na Tajiri wote ni wa Mungu na Kristo alikufa kwa ajili yao wote.

👉Unapomuona dhaifu kana kwamba hana maana ni dhahiri pasipo kujua unasema kuwa Yesu alikufa kwa ajili ya wasio na maana maana yake kufa kwake ni bure.

Soma hapa👇

Wagalatia 3:28

[28]Hapana Myahudi wala Myunani. Hapana mtumwa wala huru. Hapana mtu mume wala mtu mke. Maana ninyi nyote mmekuwa mmoja katika Kristo Yesu.

👉Ni lazima ujue kuwa liziki, utajiri, karama, kipawa, na baraka zote hutolewa na Mungu kwa wote kama apendavyo yeye kwa wakati wake na hivyo ni lazima kila mtu asiwe fimbo ya kumchapia mwenzake kwa kigezo cha umaskini au udhaifu alionao.

Lakini Kama haitoshi ni kwamba wale wanaowaonea wanyonge, wanaowadhulumu maskini na kuwaona si kitu...basi ni lazima wajue kuwa Mungu atawaadhibu na kuwashusha.

👉Mungu ni mlinzi wa wanyonge

👉Mungu ni baba wa wote

👉Mungu ni mtetezi wa wenye udhaifu

👉Mungu pia ni mlinzi wa maskini.

Hivyo mtu yeyote atakaye wadhuru hao, Mungu naye atamdhuru yeye

👉Mtu yeyote atakayewapiga hao, Mungu naye atampiga 

👉Mtu atakayewadharau hao, Mungu naye atamdharau.

[23]Kwa sababu BWANA atawatetea; 
Naye atawateka uhai wao waliowateka.

23 For the lord is their defender.   He will ruin anyone who ruins them. 

Proverbs 22:23

👉Mtu akikidharau unachokilinda maana yake amekudharau hadi wewe,ni sawa na kukwambia kuwa unalinda kitu kisichokuwa na maana..na kama ni hivyo kumbe hata wewe akiri yako haiko sawa ndio maana unalinda kitu kisichokuwa na maana.

👉Sasa Biblia inasema hao dhaifu, maskini na wanyonge wote ni wa Mungu na wanakindwa na Mungu mwenyewe hivyo kuwadharau hao ni sawa na kumdharau Mungu kwa kumwambia analinda kisichokuwa na maana.( hilo ni kosa kubwa) 

👉Na ndiyo maana kwa watu wengi, Mungu anapowabariki tu..shetani naye huwajaza kiburi na majivuno pamoja na dharau akijua kwamba wanapoanza kuwadharau wenzao basi moja kwa moja wamemdharau Mungu ( hivyo kuwa makini unapofanikiwa)

👉Jambo hilo linamfanya Mungu kukushusha chini na kughairi baraka zote alizohitaji kukupa. Japo kuwa alikuahidi kukubariki zaidi ya hapo, ni lazima ujue unapoingiliwa na shetani kwa namna hiyo basi Mungu atakushusha badala ya kuendelea kukupandisha

 ni hivi👇

1 Samweli 2:30

[30]Kwa sababu hiyo, BWANA, Mungu wa Israeli, asema, Ni kweli, nalisema ya kuwa nyumba yako, na nyumba ya baba yako itakwenda mbele zangu milele; lakini sasa BWANA asema, Jambo hili na liwe mbali nami; kwa maana wao wanaoniheshimu nitawaheshimu, na wao wanaonidharau watahesabiwa kuwa si kitu.

Hii ikusaidie kujua kuwa Hutakiwi kumuonea mtu yeyote kwasababu ya 

👉Uwezo wako

👉Mali zako

👉Cheo chako

👉Mafanikio yako

Hata unapotangulia kupata mafanikio kabla ya wengine basi usianze kudhania kuwa umemaliza safari na ukaanza kuwadharau ambao bado kwasababu hata wao wanatafuta kama ulivyokuwa unatafuta wewe isipokuwa Mungu alionao vyema kukupa wewe kabla ya wao. Na hii haibebi maana kuwa wewe ni bora kuliko wao.

👉Ni lazima ujue Mungu anaweza kukupa leo akakunyang'anya kesho ukiwa na tabia zisizompendeza yeye.

Soma hapa👇

Danieli 2:21

[21]Yeye hubadili majira na nyakati; huuzulu wafalme na kuwamilikisha wafalme; huwapa hekima wenye hekima; huwapa wenye ufahamu maarifa;

👉Unapotangulia kupata usidhani wengine hawana thamani

👉Unapotangulia kupanda cheo usifikiri wengine ni wabaya kuliko wewe

👉Unapotangulia kuolewa usifikiri wengine hawaonekani machoni PA Mungu

👉Unapotangulia kuwa na maisha bora usijaribu kudhania kuwa wengine hawana akiri kama uliyonayo wewe.

YAANI SISI SOTE NI SAWA MACHONI PA BWANA.

Mungu akubariki sana

Taifa Teule Ministry 
Mwl / Ev Mathayo 
0744474230 /0628187291 


Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma