MUNGU YUPO NA WEWE USIOGOPE.

-

 MUNGU YUPO NA WEWE USIOGOPE.

Yeremia 1:5-7

[5]Kabla sijakuumba katika tumbo nalikujua, na kabla hujatoka tumboni, nalikutakasa; nimekuweka kuwa nabii wa mataifa.
[6]Ndipo niliposema, Aa, Bwana MUNGU! Tazama, siwezi kusema; maana mimi ni mtoto.
[7]Lakini BWANA akaniambia, Usiseme, Mimi ni mtoto; maana utakwenda kwa kila mtu nitakayekutuma kwake, nawe utasema kila neno nitakalokuamuru.

Yeremia alikuwa ni nabii wa Mungu, ambaye alifanikiwa Kuanza huduma ya kumtumikia Mungu akiwa na umri mdogo Sana ( alitumwa na Mungu mwenyewe.)

Oooh Kumbe udogo wa umri / Miaka uliyonayo siyo kigezo Cha wewe kutokujua Siri za Mungu aliye hai na kutafuta namna ya kumtumikia Mungu ingali bado una nguvu sasa. Usisubiri mpaka ukiwa mzee ndipo utumike ,mtumikie Mungu Sasa.

Angalia Mungu anamwambia Yeremia kwamba ; Tazama kabla sijakuumba tumboni nalikujua, Tena kabla hujatoka tumboni nalikutakasa, Tena nimekuweka kuwa nabii wa mataifa mengi. maana Yake hakumfanya kuwa mtumishi wa watu wachache pamoja na udogo wake hapana, bali alimuamini katika utumishi mkubwa hivyo akamwambia USIOGOPE nipo pamoja na wewe, Tena nimekusanya kuwa nabii wa mataifa.

Mpendwa, kabla hujaumbwa Mungu alikujua maana ulikuwepo tangu mwanzo huko kwa Baba, alipokutuma ulimwenguni akakuweka tumboni mwa mama yako ili uzaliwe, na ulipozaliwa akakutakasa, maana Yake akakuweka wakfu kwa kazi yake, ukawa safi Kama chombo kilicho tayari kutumika na Mwenye nacho, (Mungu anakujua wewe).

Ndio maana upo mpaka leo , Mungu hakumruhusu mabaya yakupate kwasababu alikusudia tangu mwanzo, hivyo hutakufa bali utaishi ili uyasimulie matendo makuu ya Mungu.

Zaburi 118:17

[17]Sitakufa bali nitaishi, 
Nami nitayasimulia matendo ya BWANA.

Usiogope Kumtumikia Mungu katika mazingira yeyote Yale, Usiogope kumtangaza Yesu mahali ulipowekwa. Usiweke sababu wakati wa Kumtumikia Mungu, kwasababu;

Mungu amekuamini wewe Muimbaji kuwa muimbaji wa kimataifa.

Mungu amekuamini wewe mwalimu wa Neno la Mungu uwafundishe wengi wapate kumjua Kristo na kuijua kweli ya Kristo Yesu.

Mungu amekuamini wewe Mwombaji ili uweze kuomboleza na kuwabebea wengine mizigo yao.

Mungu amekuamini wewe mwinjilisti ili uweze kuwatafuta kondoo waliopotea na kuwarudishia kwa mchungaji wao Yesu.

Wahubiri na watumishi mbalimbali fanyeni kazi ya Mungu bila kuona haya, maana Mungu amewaamini ili mlitunze KUNDI lake na kulilida lisipotee mpaka siku atakapokuja aje aione kazi ya kila mmoja.

Usiwe Kama Yule mtumwa mjinga aliyezika talanta yake katika ardhi asiweze kuzalisha.

Usizike karama yako, ipeleke shambani izalishe matunda bora zaidi kwa utukufu wa Mungu.

Panda mbegu ya utumishi wako ili Mungu ayakute matunda bora kwako

Katika kiwango ulicho nacho hichohicho fanya kwa usahihi na Mungu atatukuzwa ndani yako.

Yeremia alisimama na akafanya utumishi alioitiwa bila kuogopa Tena ,bila kuona haya.

Nawe usione haya, usiogope wewe ni Bora tena ni shujaa Sana na mshindi haleluya.

Barikiwa Sana.

TUOMBE

Yesu Kristo mfalme mwema tunalitukuza tunaliinuaa jinablako maana wewe ndiwe Baba Yetu, Tena Baba mwaminifu usiyetuacha kuwa mawindo kwa meno ya adui zetu.Ni asubuhi tena tunakurudishia Heshima na utukufu kwa kuwa umetuamsha salama sisi na jamaa zetu pokea sifa Yesu .Tunakusihi Bwana Uturehemu na makosa yetu.Tunaomba uongozi waa Roho wako Mtakatifu ,tukakutumikie wewe daima kwa mapenzi na utukufu wako Jehovah.Ratiba zetu zipo mikononi mwako BabaRatibisha kwa mapenzi yako, fahamu zetu na mawazo yetu yakanyamaze kimya Bali wewe ukainuliwe mahali hapa Yesu.Tunaomba ulinzi wako Mtakatifu ,tulinde dhidi ya Mahitaji wetu Shetani ,ili TUISHI maisha ya ushindi na kibali kila mahali kwa utukufu wa jina lako Yesu Amen


Taifa Teule Ministry

Mwl Beata Silwimba

0742442164/0620507212 

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma