JE WEWE NI UZAO WA IBRAHIMU ?

-

 JE WEWE NI UZAO WA IBRAHIMU ?

Bwana Yesu asifiwe watu wa Mungu

Leo ni siku nyingine naomba tujifunze juu ya kuwa uzao wa ibrahimu kwa njia ya imani.

Unajua ni lazima ujue kuwa kabla ya Yesu wana wa ibrahimu walikuwa ni wale ambao wapo katika uzao wa isaka na baadae yakobo na esau.

👉Lakini sisi hatukuwa uzao wa ibrahimu na tulikuwa tukiishi bila kumjua Mungu tunayemwabudu.

👉Lakini tulikuja kufanyika kuwa taifa baada ya Yesu kufa msalabani ambapo alitufanya kuwa wake kwa kututoa katika miungu yetu na kutufanya tumwabudu Mungu ambaye huabudia katika Roho na kweli.

Soma hapa kuliona hilo

1 Petro 2:9-10

[9]Bali ninyi ni mzao mteule, ukuhani wa kifalme, taifa takatifu, watu wa milki ya Mungu, mpate kuzitangaza fadhili zake yeye aliyewaita mtoke gizani mkaingie katika nuru yake ya ajabu;

[10]ninyi mliokuwa kwanza si taifa, bali sasa ni taifa la Mungu; mliokuwa hamkupata rehema, bali sasa mmepata rehema.

Lakini ibrahimu ndiye aliyempendeza Mungu kwa ile imani ambayo alimwamnini Mungu na ndiyo maana hata kwa wale walio uzao wa ibrahimu hawawezi kumpendeza Mungu bila imani.

Waebrania 11:6

[6]Lakini pasipo imani haiwezekani kumpendeza; kwa maana mtu amwendeaye Mungu lazima aamini kwamba yeye yuko, na kwamba huwapa thawabu wale wamtafutao.

Kwa lugha nyingine ni kwamba ili tumpendeze Mungu ni lazima tuwe uzao wa ibrahimu.

Maana yake tuwe na imani kama alivyokuwa baba yetu wa imani.

Wazao wa ibarihimu wapo katika makundi mawili

1: Wazao wa kimwili ( Yakobo na Esau )

2: Wazao wa kiroho kwa njia ya imani

Sasa wale wa kiroho ndiyo wale ambao si waisraeli wa kuzaliwa bali ni kwa imani.

Soma hapa 👇

Wagalatia 3:7

[7]Fahamuni basi, ya kuwa wale walio wa imani, hao ndio wana wa Ibrahimu.

Sasa kumbe tunapokuwa unaishi kwa imani mbele za Mungu basi tunakuwa uzao wa ibrahimu na kwasababu hii Yesu aliangikwa msalabani ili sisi tuipokee hii njia ya wokovu ndipo baraka zitujilie.

Wagalatia 3:7,13-14

[7]Fahamuni basi, ya kuwa wale walio wa imani, hao ndio wana wa Ibrahimu.

[13]Kristo alitukomboa katika laana ya torati, kwa kuwa alifanywa laana kwa ajili yetu; maana imeandikwa, Amelaaniwa kila mtu aangikwaye juu ya mti;

[14]ili kwamba baraka ya Ibrahimu iwafikilie Mataifa katika Yesu Kristo, tupate kupokea ahadi ya Roho kwa njia ya imani.

Kumbe baraka za Mungu alizomuahidi ibrahimu zitatuhusu sisi kama tutampendeza Mungu kwa kuwa na imani kwake.

Je hizi baraka za ibrahimu ni zipi????

Soma hapa upate jibu👇

Mwanzo 12:2-3

[2]nami nitakufanya wewe kuwa taifa kubwa, na kukubariki, na kulikuza jina lako; nawe uwe baraka;

[3]nami nitawabariki wakubarikio, naye akulaaniye nitamlaani; na katika wewe jamaa zote za dunia watabarikiwa.

Maneno hayo yote ya Mungu yanamuhusu kila mtu anayemwamini Mungu na kutoka katika desturi ya ulimwengu na kulifuata neno la Mungu.

👉Unapoomba Mungu akubariki hakikisha wewe ni uzao wa ibrahimu 

👉Unapohitaji Mungu akutukuze na kukuweka juu hakikisha kwanza wewe ni uzao wa ibrahimu

👉Unapohitaji adui shetani asikupige basi hakikisha unakuwa uzao wa ibrahimu

Yaani mwamini Mungu katika Kristo Yesu

Unapohitaji mkono wa Mungu, kwenye baraka zake na huku hutaki kumwamini na kulifuata neno lake basi jua huwezi kuwa ndani yake na yeye hawezi kuwa ndani yako na hivyo adui atakutesa na kukutumikisha katika kazi zake.

👉Lakini ukimwamini Mungu kweli kweli basi Mungu Atakulinda katika njia zako zote na hiyo ndiyo ahadi yake kwako ukishika kutenda maagizo yake. (Kumb 28:1-..)

Yeye Atakulinda kupitia imani yako kwake.

1 Petro 1:5

[5]Nanyi mnalindwa na nguvu za Mungu kwa njia ya imani hata mpate wokovu ulio tayari kufunuliwa wakati wa mwisho.

MWAMINI YESU LEO na KAMA UMEMWAMINI BASI KUWA MWAMINIFU KWAKE.

Mungu akubariki sana 


Taifa Teule Ministry 

Mwl /Ev Mathayo Sudai 

0744474230 /0628187291 


Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma