WENYE DHAMBI WAKIKUSHAWISHI, KATAA

-


          WENYE DHAMBI WAKIKUSHAWISHI, KATAA

Mithali 1:10-15

[10]Mwanangu, wenye dhambi wakikushawishi, 
Wewe usikubali.
[11]Wakisema, Haya! Njoo pamoja nasi, 
Na tuvizie ili kumwaga damu; 
Tumwotee asiye na hatia, bila sababu;
[12]Tuwameze hai kama kuzimu, 
Na wazima, kama wao washukao shimoni.
[13]Tutapata mali yote ya thamani, 
Tutazijaza nyumba zetu mateka.
[14]Wewe utashirikiana nasi; 
[15]Mwanangu, usiende njiani pamoja nao; 
Uzuie mguu wako usiende katika mapito yao.
Tutakuwa na vitu vyote shirika.


Bwana Yesu asifiwe. ni Jumapili njema kabisa, na leo ninaiita Jumapili ya kujitenga, kama tunavyoona hapo kwenye vifungu vyetu vya maandiko. 


Biblia inatuambia wenye dhambi WAKIKUSHAWISHI kwa ajili ya kuambatana nao ili kufanya uovu fulani basi usikubali 

👉watakapokushawishi ili mmsengenye mtu fulani, KATAA
👉wakikushawishi ili kuvunja nyumba ya mtu, KATAA
👉wakikushawishi ili kuua na kujipatia mali, KATAA
 wakikushawishi ili kufanya uzinzi, KATAA
wakikushawishi ili kwenda kulewa pombe, KATAA. 

   Kwasababu hizo ni njia za hao waendao katika uovu na miguu yao vinafanya haraka kupata mali zisizo halali. 

na sisi leo tunakumbushwa ni lazima tujitenge na vishawishi na uovu kama huo, jitenge na wale wayatendayo mambo kama hayo maana ni udhalimu mbele za Mungu. 

👉sikuhizi wengi huwa wanaanguka kwenye dhambi kwasababu walikubali kuwafuata rafiki zao pale walipowashawishi kufanya dhambi. 

Mimi na wewe leo tukatae kushawishika ili kumkosea Mungu wetu. 

tuwe watu wa haki mbele za Mungu na ndipo baraka za Mungu zitakapotujilia siyo kama wale waendao katika uovu. 

Zaburi 1:1-4

[1]Heri mtu yule asiyekwenda 
Katika shauri la wasio haki; 
Wala hakusimama katika njia ya wakosaji; 
Wala hakuketi barazani pa wenye mizaha.
[2]Bali sheria ya BWANA ndiyo impendezayo, 
Na sheria yake huitafakari mchana na usiku.
[3]Naye atakuwa kama mti uliopandwa 
Kandokando ya vijito vya maji, 
Uzaao matunda yake kwa majira yake, 
Wala jani lake halinyauki; 
Na kila alitendalo litafanikiwa.
[4]Sivyo walivyo wasio haki; 
Hao ni kama makapi yapeperushwayo na upepo.

             * TUOMBE *

Mwenyezi Mungu muweza wa yote, asubuhi hii ya leo mbele zako tunasogea watoto wako Tunaomba neema yako na nguvu yako iwe pamoja nasi ili tukupendeze katika njia zetu zote. utupe nguvu ya kushinda vishawishi kutoka kwa mwovu shetani na kwa waendao katika uovu. 

Asante Bwana kwa ukuu wako nasi katika jina la YESU tunajitenga na uovu wote na vishawishi vyake vyote kwa mamlaka ya jina la Yesu.  AMINA 


Taifa Teule Ministry 

Mwl Beata Silwimba 

0742442164 / 0620507212 





Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma