MOYO NI NINI KIBIBLIA

-


                                MOYO NI NINI KIBIBLIA

Bwana Yesu asifiwe watu wa Mungu, nimeona watu mbalimbali wamejaribu kutoa maana na uelewa wao juu ya kile wanachokiita moyo.

     Mungu awabariki sana kwa michango yote mliyotoa

       Hebu tuanze hivi👇

     👉 Wanadamu tuna moyo ambao ni tofauti na kiungo cha mwili kinachosukuma damu kupitia miili yetu. 

👉Tunauchukulia moyo huo kuwa chanzo cha hisia zetu kama vile upendo, huruma, uaminifu, au huzuni.

Swali

Je Biblia inasema mioyo yetu ni nini?

Biblia inafafanua mioyo yetu katika mistari mingi, sio tu katika mstari mmoja na tukitumia mstari mmoja basi ni rahisi sana kukosa maana sahihi ya moyo ndani ya Biblia. 

🙏Nadhani wote tunajua kuwa Mungu alituumba na sehemu tatu, yaani 

1:roho,

2: nafsi na 

3: mwili. 

👉Kwahiyo ni lazima tujue moyo upo katika sehemu gani? 

Biblia inapozungumzia moyo inahusisha vitu vyote vitatu ambazo ndizo zinajenga utu wa mtu. 

👉unaposikia neno moyo wakati mwingine inabeba maana ya kiini cha kitu, 

Kwamfano 

Moyo wa bahari= kiini cha bahari

Moyo wa mtu = kiini yaani pale katikati

 Hivyo basi, mioyo yetu ni muundo wa vitu vyote vitatu yaani 👇

 1: Akili zetu( fikra),( Mind) 
2:  Hisia, ( Emotion) 
3: Mapenzi( utashi) au WILL, katika lugha ya kiingereza- 
pamoja na sehemu muhimu zaidi ya roho yetu - yaani
dhamiri yetu.

👉 Hebu tuangalie baadhi ya mistari muhimu inayofunua hili.

1. Mathayo 9:4

“Naye Yesu, akijua mawazo yao, akasema, Mbona mnawaza mabaya mioyoni mwenu?

Kufikiri ni shughuli ya akili( fikra) , lakini Bwana Yesu aliwauliza waandishi kwa nini walikuwa wanawaza mioyoni mwao. Hii inaonyesha kwamba akili ni sehemu ya moyo wetu.

2. Matendo ya Mitume 11:23

[23]Naye, alipokwisha kufika na kuiona neema ya Mungu akafurahi, akawasihi wote waambatane na Bwana kwa kusudi la moyo.

Kusudi ni kuamua kwa dhati kufanya jambo, ambalo ni utekelezaji wa mapenzi yetu. Kwa hivyo mstari huu unaonyesha kuwa mapenzi yetu ni sehemu ya moyo wetu.

3. : Yohana 16:22

[22]Basi ninyi hivi sasa mna huzuni; lakini mimi nitawaona tena; na mioyo yenu itafurahi, na furaha yenu hakuna awaondoleaye.

Kushangilia kunahusiana na hisia zetu, lakini hapa tunaona kwamba moyo wetu unashangilia. Hii inatuonyesha kuwa hisia yetu pia ni sehemu ya moyo wetu.

4. Waebrania 10:22

[22]na tukaribie wenye moyo wa kweli, kwa utimilifu wa imani, hali tumenyunyiziwa mioyo tuache dhamiri mbaya, tumeoshwa miili kwa maji safi.

Kunyunyiziwa mioyo yetu kutoka kwa dhamiri mbaya kunaonyesha kwamba dhamiri yetu pia ni sehemu ya moyo wetu.

Hili linathibitishwa zaidi kwa maneno haya

👉 “1 Yohana 3:20-21

[20]ikiwa mioyo yetu inatuhukumu; kwa maana Mungu ni mkuu kuliko mioyo yetu naye anajua yote.[21]Wapenzi, mioyo yetu isipotuhukumu, tuna ujasiri kwa Mungu;

 mstari huu pia unaonyesha wazi kwamba dhamiri yetu ni sehemu ya moyo wetu.

Mungu akubariki sana


Taifa Teule Ministry 
Mwl / Ev Mathayo Sudai 
0744474230 /0628187291 

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma