JE MUME WAKO ANAKULINDA?

-


                     JE MUME WAKO ANAKULINDA? 

Bwana Yesu asifiwe Mwanzo 20:1-8

  Leo naomba ujifunze jinsi ambavyo, ulinzi na usalama wako upo kwa yule anayekuoa. 

   Hebu soma hapa 👇

[1]Ibrahimu akaondoka huko kwenda nchi ya kusini, akakaa kati ya Kadeshi na Shuri, naye akatembea katika Gerari.

[2]Ibrahimu akamnena Sara mkewe, Huyu ni ndugu yangu. Basi Abimeleki mfalme wa Gerari akapeleka watu akamtwaa Sara.

[3]Lakini Mungu akamjia Abimeleki katika ndoto ya usiku, akamwambia, Umekuwa mfu wewe kwa sababu ya mwanamke huyu uliyemtwaa, maana ni mkewe mtu.

[4]Basi Abimeleki alikuwa hakumkaribia, akasema, Ee Bwana, Je! Utaua hata taifa lenye haki?

[5]Je! Hakuniambia mwenyewe, Huyu ni ndugu yangu? Na mwanamke mwenyewe naye alisema, Huyu ni ndugu yangu. Kwa ukamilifu wa moyo wangu, na kwa kuwa safi mikono yangu, nimefanya hivi.

[6]Mungu akamwambia katika ndoto, Nami nimejua ya kwamba kwa ukamilifu wa moyo wako umefanya hivi, ndipo nami nikakuzuia usinitendee dhambi, kwa hiyo sikukuacha umguse.

[7]Basi sasa umrudishe mwanamke kwa mtu huyo, maana yeye ni nabii, naye atakuombea, upate kuishi. Bali usipomrudisha, fahamu ya kwamba kwa hakika utakufa wewe na watu wote ulio nao.

[8]Abimeleki akaamka asubuhi na mapema, akawaita watumwa wake wote, akawaambia maneno hayo yote masikioni mwao, nao watu hao wakaogopa sana.

Nadhani umeielewa hiyo habari,🤔

  Sasa ukisoma vizuri hapo utagundua kwamba Sara mke wa Ibrahimu, angeweza kuingia hatarini, pengine kuguswa na mume ambaye si wake, pengine, angedhalilika na kuvunjiwa heshima na huyu mfalme wa Gerari ambaye alitaka kulala naye siku ile.

👉Lakini Mungu mwenyewe ndiye aliyeingilia kati kwa kumwambia mfalme asijaribu hata kumgusa huyo mwanamke, kwasababu atakapofanya hatua hiyo basi atakuwa amekaribisha matatizo kwenye familia yake yote.

👉Lakini tunaona sara hakulala, au hakufanya mapenzi na mfalme aliyekuwa amemchukua kwa nguvu aliyonayo kama mfalme.

Sasa unaweza kujiuliza ni nini kilichomfanya sara kuwa salama? Utagundua ni AINA YA MUME ALIYEKUWA NAYE.

kwasababu tu Ibrahimu ana mahusiano mazuri na Mungu, mkewe hakuguswa...

   Na mfalme alipata onyo kali kutoka kwa Mungu,,, yote hayo ni kwasababu Ibrahimu alikuwa mtu mwema mwenye mahusiano na Mungu.

Ibrahimu hakutumia nguvu yoyote ya kumfanya mkewe awe salama lakini, mahusiano yake na Mungu tu, ndiyo yaliyomlinda mke wake

Soma hapa👇

1 Petro 1:5

[5]Nanyi mnalindwa na nguvu za Mungu kwa njia ya imani hata mpate wokovu ulio tayari kufunuliwa wakati wa mwisho.

Sasa kama binti ndani ya Kristo ni lazima ujifunze kuwa Mume ndiye kichwa cha familia na ndiye mwangalizi na mlinzi wa familia yako.

👉Usijaribu kwenda kwa mtu ambaye unajua kabisa kwamba roho yako haitakuwa salama chini yake.

👉Haina maana ya kuishi maisha ya furaha, duniani halafu roho yako haiko salama.

👉Heshimu sana mahusiano yako na Mungu usimruhusu shetani akakupoteza kwa sababu ya mtu ambaye hawezi kukulinda.

🏓Wengi wanadhani mume anayeweza kumlinda ni yule mwenye pesa., kwamba akitaka chochote anapewa kwa wakati.

👉Lakini fikiria kipindi sara anakutana na hatari ile, Ibrahimu alikuwa na pesa gani, au alikuwa na mali gani?

   Ibrahumu hapo alikuwa hana kitu kabisa, na alienda kwenye nchi ya gerari kwasababu ya njaa....

Lakini tunaona sala alilindwa na aina ya mume aliyenaye siyo kiwango cha pesa alichonacho mumewe.

Fahamu mambo haya👇

Mwanaume anaweza kuwa na pesa na mali lakini

👉Asiweze kukulinda

👉Asiweze kuwa na Mungu

👉Asijue jinsi ya kuitunza nyumba yake

👉Asiwe na akili ya kutambua thamani ya mkewe

👉Asiwe na maisha marefu

👉Asiwe na upendo kwako na kwa wazazi wako

👉Asiwapende ndugu zako

Mwanaume asiyekuwa na uwezo wa kusimama kama kichwa cha familia yako, basi jua hiyo familia haina kiongozi

👉Na kwasababu wewe ni mtu uliyeokoka, basi uongozi ni lazima uwepo wa kimwili na kiroho, mbali na hapo furaha unayoitaka hutaiona, amani unayoitafuta hutaiona.

🏓Usijaribu kutumia hisia za kimwili na tamaa au shauku ya kuolewa tu, pale uhapotafuta au unapotaka kuolewa na mtu, bali tumia hekima na jicho sahihi kuangalia kama utakuwa salama wewe na watoto wako utakapokuwa chini ya mwanaume huyo au la!

Ngoja nikusaidie hatari inayoendelea duniani kwa mabinti waliookoka.

  Ni hivi👇

 Mtu yeyote aliyeokoka na kumwabudu Mungu, huwa ni lazima awe na hazina fulani ( potential ) ya Mungu ndani yake.

🤔Na shetani hutafuta sana kuiondoa hiyo karama, au hicho kibali, au hicho kipawa, au hiyo sura ya Mungu iliyo ndani yako.

Sasa kama wewe upo hivyo ni lazima ujue kuwa wakati mwingine shetani hatakuja mwenyewe kukuharibu, bali atatumia mtu fulani ambaye atakuja kwa sura nzuri kabisa.

Na mara zote shetani huangalia uhitaji alionao mtu ndipo humjaribu sawasawa na uhitaji wake.

 Na ndiyo maana hata Yesu alipokuwa nyikani amefunga siku 40,,, ile ya mwisho aliona njaa, na palepale baada ya kuona njaa ndipo shetani akaja kumjaribu kwa chakula, akamwambia KAMA WEWE MWANA WA MUNGU GEUZA MAWE HAYABO YAWE MKATE.

ni lazima ujue kuwa shetani alikuwa anajua kwamba Yesu anahitaji chakula na ndiyo maana akamgaribu vilevile.

Sasa hata wewe shetani anaweza akaina tamaa au haja uliyonayo ya kuingia ndani ya ndoa, hivyo ni lazima uwe makini,

👉Pengine anaweza kuja mtu ambaye anaenda sawa na uhitaji wako, na shetani atafanya hivyo ili kukupoteza.

Kuwa makini na mume unayemchagua, ni lazima uhakikishe kuwa roho yako na maisha yako yatakuwa salama chini yake.   

Mume wako akiwa mlinzi wako na kichwa cha familia basi

👉Furaha itakuwa ndiyo kiini cha ndoa yako

👉Maelewano kwenu itakuwa ndiyo desturi yenu

👉Amani itakuwa ndiyo sura ya nyumba yenu

👉Mafanikio itakuwa ni kawaida kwenu

👉Upendo kwenu utakuwa ni pambo la nyumba

👉Utakatifu utakuwa ni njia yenu


Na Mungu atawabariki sana sawasawa na neno lake.

Mungu akupe moyo wa kuishi haya, kwa jina La YESU.


Taifa Teule Ministry

Mwl / Ev Mathayo Sudai

0744474230 / 0628187291 

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyeweđź‘ŹNikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalomđź‘Ź Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma