BWANA TUONGEZEE IMANI

-


TAIFA TEULE MINISTRY MORNING GLORY 

Day : Growing up Friday

Date: 28  April 2023

Na Beata  Silwimba


           Title :  BWANA TUONGEZEE IMANI

Luka 17:5-6

[5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii.

Petro akasema Bwana tuongeee Imani.

Shalom👏

Unajua ni kwanini Hawa wanafunzi wa Yesu walimwambia Bwana tuongezee Imani???🤔

Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo.

Kwa mtazamo huo ni wazi Kwamba Kama ni Imani walikuwa nayo kwa sehemu.

Kama ni Mamlaka tayari walikuwa nayo ya kumkemea pepo n.k

Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini.

Lakini kwa kawaida tu nimewaza Sana kwa naamna walivyokuwa  inawezekanaje wakasema Bwana tuongezee Imani??🤔 

Halafu Jambo lenyewe Ni kumsamehe MTU Saba Mara sabini, Lakini zaidi ya kumsamehe mtu so Hilo tu, Bali yapo mengi tunakutana nayo majaribu, tunaomba baraka  kubwa, tunakutana naa changamoto nyingi ambazo kwa Imani zetu tulizonazo sasa hatuwezi kushinda au kustahimili Vita ya Shetani.

Anhaaa nikajifunza kitu hapo ;✍️

Yapo Mambo unaweza ukakutana nayo yanayohitaji Imani kubwa  Sana ili kushinda au kuyapokea.

Kumbe kuna wakati hatupaswi kuomba mambo fulani fulani tu kwa Mungu.

Mfano ;

Mungu naomba upako wa kutumika

Mungu naomba Mke mwema💃

Mungu naomba Mume Bora

Mungu naomba Mali na Utajiri 

Mungu naomba afya njema,  ulinzi wa Mungu🤔 hivyo pekeyake havitoshi ili kuweze kukua kiroho lazima ukutane na majaribu makubwa ambayo yatafanyika daraja la kukupeleka mahali fulani penye utukufu mkubwa😁 

Yamkini umeomba Mambo fulani na hujampokea mpaka Sasa kwa sababu Imani ya kuyabeba majibu yako ni ndogo, hivyo Mungu anasubiria Imani yako Ikue ndipo akupe hitaji lako🤔🙆

Kumbe kwa Imani hiyo uliyonayo huwezi kuyashinda mambo fulani, 

Huwezi kustahimili situation fulani kwenye maisha yako, 

Huwezi kuzifikia baraka fulani mpaka uwe na Imani Kubwa kiwango fulani 🙌 wangapi wananielewa hapa😁

Kumbe tunapaswa kuomba Sana na kusoma/kusikiliza sana neno la Mungu ili tuifikie Imani kubwa kwasababu ili kwamba tufikie Mambo makubwa lazima tuwe na Imani kubwa ya kuyabeba/kuyapata mambo hayo pasipo kumkosea Mungu.

Unaweza kuomba pesa pekeyake na utajiri halafu kumbe Imani ya kuishi ukiwa ndani ya hiyo baraka ni ndogo unajikuta unapata kiburi na Roho ya kupenda fedha, tayari unamsahau Mungu bila kupenda/ kujua.

Umeomba ndoa yenye furaha Kweli Mungu amekupa lakini  furaha inazidi Imani yako unalewa na ile furaha unamsahau Mungu.

Bwana atakupa afya njema na atakulinda kweli na ajali na kila namna ya hatari lakini utajiinua na kuona wengine wanaopata Shida Basi hawana nguvu za Rohoni/ hawajamshika Mungu wa kweli, ukajiinua bila wewe kujua kwamba hivyo unavyoenenda unajiinua

Utanishangaa kusema hayo lakini ajidhaniayekuwa amesimama na aangalie asianguke.

*1Wakorinto 10:12*

Tunamwitaji Mungu kwa ukubwa Sana pamoja na mafanikio yote tuliyonayo.

Tunahitaji Imani kubwa ili itusitili wakati wa dhambi inapokujia uwe na uwezo wa kuikimbia na kumpinga Shetani.

Petro na wenzake walikuwaa na Mungu mwenyewe yaani Yesu karibu lakini Kuna namna wakaona hapana hapa kwa namna hii Bwana utuongezee Imani, waliomba jambo hilo pasipo hata kujua kwamba imani inaletwaje. lakini leo ni lazima ujue kuwa unatakiwa kusikia sana sauti ya Mungu kwa yale yote aliyokuambia na akuambiayo ili imani yako ikue....

Warumi 10:17

Basi imani, chanzo chake ni kusikia; na kusikia huja kwa neno la Kristo

Hatujui Kesho yetu,  anajua Mungu.

*Ni maombi yangu kwamba utafanya juhudi ili imani yako iongezeke na uweze kubeba mambo makubwa pia ili uwe na UWEZO wa kuishinda dunia na kumpendeza Mungu. 


*TUOMBE*

Mwenyezi Mungu  Baba wa Mbinguni wewe ni wa Rehema tunakujua, Tena  wewe ni Mungu wa kweli, na unatujua vyema na unajua hata yaliyo sirini mwetu, Yale tuyawazayo, tunenayo na tunayotenda kwa SIRI Bwana unatujua.Tunaomba uturehemu Bwana utusafishe kwa damu yako takatifu tuenende sawa na Neno lako Mungu🙌.Tunakushukuru kwa maana wewe ni Mungu utupaye vyote umetujalia Neema ya ajabu Sana kuiona siku ya leo, Ni upendeleo wa ajabu Sana Bwana umetupa sisi na familia zetu,  hatuna Cha kukurudishia Bwana Bali pokea sifa za mioyo yetu.

tunaomba utupe neema ya kulisikia neno lako na kulitafakari ili tuzidi kukua kiroho na kimwili kwa utukufu wa jina lako🙌

Wema wako uende nasi siku zote, Sasa  na hata milele Amina🙏

Mungu akubariki sana


Taifa Teule Ministry

Mwl Beata Silwimba

0620507212 / 0742442164 

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma