TUNZA UAMINIFU WAKO KWA MUNGU

-


 TUNZA UAMINIFU WAKO KWA MUNGU

Karibu tujifunze kwa ufupi somo hili na Mungu akusaidie kuelewa.

Tunaposema Uaminifu( kuwa mwaminifu), ni Hali ya kuweka nia moyoni mwakona kuzingatia kufanya yote uliyoagizwa na Mungu au mtu yeyote mtu wa namna hii tutamwita ni mwaminifu.

Yeremia 7:28

Nawe utawaambia, Taifa hili ndilo lisilosikiliza sauti ya BWANA, Mungu wao, wala kupokea mafundisho; uaminifu umepotea, umekatiliwa mbali na vinywa vyao.


Lakini nyakati za sasa na kizazi hiki wengi wamekosa uaminifu kwa asilimia kubwa  mpaka inafikia watu kuogopana wenyewe kwa wenyewe. uongo kwenye vinywa vya watu imekuwa kawaida.

Mungu ameagiza tupendane Lakini ndugu haohao ndio wanao uwa ndugu zao, ndugu haohao wanabaka na kulawiti watoto kwenye jamii zetu,

ndugu huyo huyo unamwamini unamuweka kwenye duka lako ndo huyo anakufilisi, uaminifu umepungua baina ya watu na kuleta changamoto kwenye jamii zetu mtu anajiuliza nitamwamini nani sasa🤔.

kwa mabinti na vijana uaminifu umepotea kabisa unapotamani kuolewa au kuoa unaanza kuwaza nitamuoa nani au nitaolewa na nani ambaye atakuwa mwaminifu kwangu. imekuwa changamoto. Mungu akusaidie

Mpaka ndani ya ndoa uaminifu haupo wanandoa wanaishi kwa wasiwasi bila kuwa na imani baina yao, unadhani ni kwanini uaminifu umepotea? Nikwasababu maovu yamezidi juu ya uso wa nchi na wengi wamemuweka Mungu mbali nao.


*Yapo Mambo yanayoweza kukusaidia kutunza UAMINIFU ndani yako kwa Mungu na kwa watu wengine pia.*


1. Weka akiba ya NENO la MUNGU, ndani yako.

zaburi 119:11

Moyoni mwangu nimeliweka neno lako, Nisije nikakutenda dhambi.

wewe kama mkristo aliye hai hakikisha siku isipite bila kusoma Neno la Mungu maana Mungu atakukumbusha kutenda haki kupitia kwenye Neno lake, Tenga masaa yako ya kusoma Neno na kuomba utakuwa na hekima, na hekima ya Mungu humpa mtu maarifa ya kutenda haki, kuwa mwaminifu.


2. Tunza agano/ kusudi la Mungu ndani yako( maono yako) ili kuigikia hatima yako

ukisoma; 

Mwanzo 49:1_23

hapo tunajifunza habari za Yusufu mtumishi wa Mungu alitunza uaminifu wake kwa Mungu  kukataa kulala na mke wa boss wake yaani mke wa Potifa.

mke wa boss wako, au boss wako asikushawishi kutenda mabaya eti kwasababu anakulipa msharaha au kwa kigezo kwamba atakupandisha cheo au kukuongeza mshahara, au kukupa kipaombele acha kabisa mara moja kama unaona no ngumu ukiweza kimbia kabisa dhambi inakimbiwa si kwa kukemea kwa maombi tu. Yusufu asingekimbia angelala na Yule mwanamke maono yake ya kuwa mtu mkubwa ndo yangekufa pale, wewe ni wathamani sana kuwa mwaninifu utauona ukuu wa Mungu kwenye maisha yako. 


3. Simamia misingi yako ya IMANI.

Usikubali kudanganywa nabkuyumbishwa imani na watu wasio na mafundisho ya ukweli, utajikuta unapoteza uaminifu wako, badala ya kuamini Jina la Yesu kwamba linaweza kukuponya  unaanza kuamini  majina ya watu fulani maarufu, unaanza kuamini vitambaa, chumvi ,Maji ya upako ,mara mafuta ya upako mara sabuni, kama  siyo uganga ni nini


wagalatia 3:1-3

1. Enyi Wagalatia msio na akili, ni nani aliyewaloga, ninyi ambao Yesu Kristo aliwekwa wazi mbele ya macho yenu ya kuwa amesulibiwa?

[2]Nataka kujifunza neno hili moja kwenu. Je! Mlipokea Roho kwa matendo ya sheria, au kwa kusikia kunakotokana na imani?

3. Je! Mmekuwa wajinga namna hii? Baada ya kuanza katika Roho, mnataka kukamilishwa sasa katika mwili?

🔥Hakuna aliye kuloga umejiloga mwenyewe kwa kupoteza uaminifu wa Imani ya kweli.


4. kuwa na ushirika mzuri na Mungu na wanadamu pia

Luka 2:52

Naye Yesu akazidi kuendelea katika hekima na kimo, akimpendeza Mungu na wanadamu. 

tamani kuwa karibu na Mungu Kila wakati weka ushirika naye kwa Maombi na IBADA itakusaidia kutunza UAMINIFU kwa Mungu wako.


5. Ondoa Roho za Visasi (Malipizi), na Uchungu ndani yako. 

Hii inaweza kukupelekea ukakosa uaminifu hata kwa watu wengine.

Mfano umebebelea watu fulani moyoni waliokutendea ubaya ,una uchungu wa kuumizwa na watu wengine,  hii itakufanya ulipize kisasi hata kwa watu wengine 

hata kwenye ndoa pia siyo afya, futa watu waliokukosea na uwasamehe Jenga uaminifu upya kwa watu na kwa Mungu utafurahia maisha.


6. Hakikisha unaishi maisha yenye USHUHUDA MZURI, ili kutunza UAMINIFU wako kwa Mungu na mbele za wanadamu pia

utaaminika Kila mahali, kwanza Mungu atakuamini kwasababu uaminifu wako unamtambulisha yeye ndani yako

utaaminika kazini, 

utaaminika na familia yako 

utaaminika kwa Mume / mke wako

 uaminifu no kitu Cha Thamani Sana pia huleta Heshima.

kama unataka kuheshimika Mpende Mungu halafu kuwa mwaminifu Kila mtu atakupenda🥰 japo so wote watakupenda, wale wanaowaza mabaya juu yako ndo hawatakuelewa 😄



7. Toa zaka na sadaka zako za dhabihu mbele za Mungu.

Soma Malaki 6:1_......  mjaribu Mungu kwa kumtolea uone kama hayo Mambo yako yaliyoshindikana yanavyofunguka na kwenda sawa😄

Acha kuona kila siku wewe ndo unamajukumu mengi na Mambo mengi wewe Kila siku bajeti inakubana mpaka unakosa pesa ya kutoa zaka ( unakula zaka🤔)nihatari Sana, Huwezi kuwasaidia wahitaji, Huwezi kuwalisha watumishi wa Mungu.umepoteza uaminifuwako kwa Mungu,kumbuka sadaka humpatanisha mtu na Mungu

kumbuka ni mara ngapi umemuahidi Mungu kwamba utachangia ujenzi wa kanisa au Nyumba ya mchungaji na haujatimiza🤔, umeweka nadhiri nyingi na haujatimiza hata moja mpaka sasa

ulimuomba Mungu akupe kazi utamtolea zaka kwa uaminifu ,sasa mbona unamuibia Mungu?

Penda ibada, wewe Kila siku za IBADA ndo unapata safari ya biashara , au kusalimia ndugu.

mwingine siku ya IBADA ndo anapumzika nyumbani na kufua nguo😄 mwingine ndo siku ya kula bata. uaminifu wako uko wapi?. Mwanzo ulikuwa ukikosa IBADA unaumia moyo, Leo hii hata hishituki  umesongwa na na Mambo mengi ya ulimwengu huu.utakufa vibaya na watu watakuzika, ukifika mahali panapokustahili ndo utatamani urudi duniani angalau utemgeneze na Mungu na haitawezekana. na ndo kilio na kusaga meno milele. Geuka leo Amua kurejea kwa Mungu naye kwa upole atakupokea

kwa watumishi mnaotumiwa na Mungu uliomba kuinuliwa kwenye viwango vizuri vya kiroho ili umtumikie Mungu kwa ukubwa zaidi , lakini kiburi kinatoka wapi, Jeuri inatoka wapi, kujiinua na kujitangaza jina kwa umaarufu wako binafsi inatoka wapi hii, Umeinuliwa sawa ,wewe mwinue Mungu kwenye utumishi wako.

 Wale waimbaji, umepewa saauti mzuri ukiimba unawabariki watu wengi na wengi wanafunguliwa kupitia huduma yako lakini kujiinua kunatok wapi na kujiona hapo kanisaniusipo kuwepo Basi watu hawataimba ,usipomtumikiaungu kwa unyenyekevu na kumwinua Mungu tu yeye ataondoa hicho kilichopo ndani yako, ndipo mtu anabaki kusema nilikuwaga nahubiri Mimi, nilikuwaga naomba Mimi? kabla hatari mbaya hazijaja kwako acha tabia hizo na Mungu atakuamini zaidi utakuwa kila siku unajiona unakuwa na kuongezeka kiviwango🙌

🔥oooh kwako wewe kijana au Binti, ni mara ngapi au ni wangapi umewaahidi utawaoa au utaolewa nao kumbe unawadanganya,umekuwa muongo kila mahali huaminiki tena, Binti wa watu au kijana anakusubiria wakati mwingine anakuombea kabisa akiwa na matarajio mazuri  kumbe wewe ulishaamua kumwacha kisirisiri. Uaminifu wako uko wapi?🤔 Binti wawatu au kijana anashitukia unatangaza uchumba tu na mtu mwingine😭

Na wewe uliyepo kwenye ndoa tayari, wakati mnachumbiana mpaka mnafunga ndoa mliwekeana ahadi kwamba mtapendana na kushirikiana katika furaha na huzuni ( yaani katika Mambo yote mbona wewe umemsaliti mwenzako na kutafuta ndoa ya nje? mbona nyumbani wakila dagaa wewe unaenda hotelini kula vizuri upendo wako wa mwanzo uko wapi 🤔 mmmmmm  najaribia kutafakari naogopa  Sana Maana niwengi Sana watachomwa moto siku ya mwisho kwa kupoteza uaminifu.


🎤Nikukumbushe kitu kingine tena cha Muhimu Sana,

Ukikosa Uaminifu Kuna vitu Utaavikosa ukiwa hapa duniani na hata maisha yako baada ya kufa, yaani maisha ya milele uliyojichagulia

_kwanza kabisa Utaukosa uzima wa milele kwa kupoteza uaminifu wako  

_pia  unaweza kupoteza kazi yako mzuri, kwa kukosa uaminifu,  unapenda rushwa , unapendelea watu kwasababu ya cheo chako. utapoteza CV yako mzuri uliyonavo sasa.wakati unajaza mkataba ulikubali kuwa mwaminifu Leo hii umepoteza uaminifu kazini, utapotezaa cheo , nafasi ya uongozi au kazi kabisa.

_unaweza kumpoteza Rafiki mzuri,mchumba, Mke au Mume wako kwasababu ya kukosa uaminifu kwa mwenzako

_Pia unaweza kukosa Heshima na kibali Cha kusikilizwa, kuwekewa Dhamana, kukosa kushirikishwa kwenye baadhi ya Mambo ya kifamilia na jamii kwa ujumla na itakupelekea kutouyafikia maono yako nabaadhi ya mazingira kwasababu ya kukosa uaminifu.

👏Nakushauri amua Leo na utoke huko uliko, wewe unajua ni wapi umepoteza uaminifu wako kwa Mungu na hata kwa jamii yako. Mwambie Mungu natoka huku niliko jisafishe ,jioshe uwe mwaminifu tena uaminike tena na Mungu ili akuamini kwa Mambo makubwa zaidi. 

Ulimwengu na mazingira fulani, Au Mafanikio fulani, au watu fulani  visikutoe  kwenye uaminifu uliokuwa nao mwanzo au ulionao sasa.

Ukiwa mwaminifu Mungu anakuinua kuliko ulivyotarajia kwa akili zako.

Soma kitabu Cha ;

Danieli 6:4

Waebrania 3:5

Mungu akupe neema hiyo uwe mwaminifu na uutunze UAMINIFU wako kwa Mungu na wanadamu pia.

wewe ni wa Thamani Sana .Ubarikiwe Sana na Mungu aliye hai🙏

 

Taifa  Teule  Ministry

Mwl. Beata  Silwimba

0742442164  /  0620507212

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma