SHIDA YA MIAKA 17 HADI 27 KWA MABINTI

-


 SHIDA YA MIAKA 17 HADI 27 KWA MABINTI

Binti nakusalimu kwa jina la Yesu.

  Kuna Kitu kidogo chenye ukubwa ambacho mabinti wengi hawakifahamu mwisho wa siku wanaambulia machozi mengi pale wanapofika kwenye kipindi cha kuolewa.

Kama binti unayejitambua na una mpango wa kuwa na ndoa yako takatifu na maisha ya amani.

Basi naomba nikufundishe kitu ambacho ni kigumu kukimeza lakini ndivyo kilivyo. 


Ni hivi🤔

Mabinti wengi wenye umri kuanzia miaka 17,18, 19,20,21,22,23 hadi 27 huwa

👉 wanakuwa katika kipindi ambacho miili yao inazungumza kwa sauti kubwa sana

👉Wanatumia muda mwingi sana kukaa kwenye kioo kujilemba na kujipamba kwa mapambo mengi

👉Na pia katika umri huu ndipo mabinti wengi hujitazama na kujiona kuwa wao ni wazuri kuliko wanawake wote duniani

👉Ni kipindi ambacho binti anajiona sana na kujikubali sana.

👉Ni kipindi ambacho mabinti wengi wanatumia akili zao na huona kuwa wana uwezo wa kufanya kila wanachokifikiri kuhusu ndoa. 

Anakuwa kama mke wa potifa ambaye alipojiona ana kila kitu, basi akafikiri anaweza kuwa na Yusufu.

😦Na ndiyo maana Mabinti wengi wenye umri huu utawakuta wana mahusiano na wanaume ambao ni watu wazima kabisa

Unafikiri shida ni nini?

Shetani hufanya kazi kwa bidii sana ili kuuendesha mwili wa binti aliyepo kwenye rika hili akiwa na lengo la kumharibia maisha yake ya baadae

 Kivipi?

Huyu binti mwenye mihemko kama hii kwenye umri huo, huwa akifikisha miaka 29 hada 32, anakuwa tayari

 👉ameshaanza kufunguka akili,

👉Ameshaanza kuwa na uhitaji wa kupata ndoa

👉Ameshaanza kuwa na uhitaji wa kuwa na mwenza wake

👉Anaanza kujuta kwa ujinga wa ujanani ambao haujampa alichokuwa anakitaka. 

Lakini bahati mbaya MUDA UNAKUWA UMEPITA wa kufanya maandalizi sahihi ya ndoa nzuri, na kinachofuata ni maumivu na kuona ubaya wa maisha. 

👉Anakuwa tayari ameshauchezea ujana wake kwa kile wanachokiita kula ujana. 

Na wanaume wanaanza kumuona hana thamani maana wameshamchezea sana alipokuwa kwenye mihemko ya dunia hii na ndiyo maana anaweza kuwa ni mzuri tu, ana kazi nzuri tu, ana pesa nzuri tu, lakini ndoa hana,

🙂 ni kwasababu kila mwanaume ameshamjua na amechezea usichana wake. 

👉Wanaume huwa wanaanza kusema HANA SOKO TENA

👉HANA JIPYA

Na ndiyo maana Biblia imesema👇

Mhubiri 12:1

[1]Mkumbuke Muumba wako siku za ujana wako, 

Kabla hazijaja siku zilizo mbaya, 

Wala haijakaribia miaka utakaposema, 

Mimi sina furaha katika hiyo.

 

Siku mbaya kwa binti ni pale ambapo muda wa kuolewa umefika na anauhitaji wa kuolewa lakini inashindikana. 

Ukifikia hali kama hiyo binti angali umesikia habari hii basi usije ukaanza kufikiri kuna mtu amekuroga ili usiolewe maana hapo unakuwa umejiroga mwenyewe. 

  Kwasababu👇

👉Umri unakuwa umeshaenda sana na huna tena nguvu kubwa ya kujipanga na kinachofuatia ni kusema kauli kama hizi👇


1. NIPO TAYARI KUOLEWA NA MTU YEYOTE

2. NAHITAJI NIWE NA MTOTO TU MASWALA YA NDOA SIYO LAZIMA

3. WANAUME WA SIKU HIZI HAWAELEWEKI


Binti, wanaume wapo wengi kulingana na wewe ulivyo.

Kabla ya kusema hawaeleweki, jiangalie kwanza wewe je unaeleweka.? 

🙇‍♀️Kumbuka, jicho la kumuona mwenye hekima na busara analo mwenye hekima na busara.


NINI KIFANYIKE

Kwenye kipindi ambapo wengi wanashinda kwenye kioo, wewe binti wa Kristo shinda kwenye maombi

   Muombe Mungu kuhusu maisha yako ya ndoa ambayo utaihitaji

Ukitumia muda mwingi kuomba basi jua Roho mtakatifu anaanza kukuandalia mume sahahi kabisa kwa ajili ya maisha yako.

Ninakuhakikishia kuwa ukiwa hivyo, basi ukifika muda wa kuolewa utashangaa umekutana na mtu sahihi hadi utashangaa, na hayo ndiyo majibu ya kushinda kwenye maombi mapema.

👏Acha kufanana na wanawake wasioelewa chochote, wajinga wasio na akili na hawataki kumtafuta Bwana, wao kazi yao ni kushinda saluni, na kwenye vioo tu kujiangalia uzuri wao lakini ghafla machozi yanaanza kuwatoka kwenye maisha yao yote.

Hebu jiulize, kwanini mwanamke anaweza kuwa na kila kitu lakini utashangaa hajaolewa wala kuchimbiwa au unakuta ana mtoto tu na hana mume, shida nini?

Ukiona unashinda kwenye kioo na unajiona kuwa wewe ni mzuri kuliko watu wote basi jua upo kwenye hali mbaya na wala haupo kama unavyojiona

Wewe si wa kwanza kuwepo, wala si mzuri kupita wote

  Ila siri ya kuwa mzuri kuliko wote ni kuutumia ujana wako na Kristo, kesha kwenye maombi, na hapo wewe utakuwa ni mzuri kuliko wanawake wote wasiotaka kuwa na akili

    na hapo ndipo penye akili, yaani kumtafuta Bwana.

Hebu soma hapa👇

Zaburi 53:2

[2]Toka mbinguni MUNGU aliwachungulia wanadamu, 

Aone kama yuko mtu mwenye akili, 

Amtafutaye Mungu.

Binti mwenye akili si yule anayetumia kile anachokiita uzuri ili kuwa na kila mwanaume, bali binti mwenye akili ni yule anayetumia Roho yote, akili yote na nguvu zote kwa ajili ya kumtafuta Bwana.

Achana na kushinda muda mwingi kujipamba kwa vitu vya muda bali jipambe kwa utu wa ndani.

Ni lazima ujue hata mume anayejitambua na anayemcha Bwana sawasawa, huwa hawezi kuwa na uwezo wa kumtaka mwanamke wa namna hiyo. 

  Kwahiyo kulingana na unavyojiweka ndivyo vivyohivyo unawapata wa namna kama yako. 

👏Hapa nina maana ifuatayo👇

UKIONA UMEOKOKA HALAFU VIJANA WENGI WAKIUME WANAKUTONGOZA NA WENGINE KUKUSOGELEA KWA KUKOSA ADABU NA WENGINE KUKUZOEA BILA MISINGI SAHIHI, BASI NI LAZIMA UJUE WOKOVU WAKO HAUJAKAA SAWA, KWA NAMNA UNVYOISHI NA NDIYO MAANA KILA KIJANA HAOGOPI KUKUTONGOZA ILI KUTIMIZA HAJA YAKE. 

HIVYO UNAPOONA VIJANA WENGI WAKIUME WANAKUZOEA KIPUMBAVU, USIJIONE KUWA NI MZURI SANA, BALI JUA TAA YA WOKOVU WAKO UMEIZIMA

👉Ogopa sana wanaume ambao wanapenda kujichekesha kwako, wakiwa na lengo la dhambi. 

👉Ogopa sana kupoteza ushuhuda kwenye kipindi cha ujana wako maana wakati wa uzee hutoweza kuubadilisha

👉Ogopa sana kujifanya umeokoka halafu kumbe unatumia ujana wako kujishibisha haja za mwili

👉Ogopa sana kuwa na mahusiano na vijana ambao hata habari za Mungu hawazitaki angali wewe umeokoka kwasababu ni kazi kuyatimiza mapenzi ya Mungu, waache wamataifa wawazike wamataifa na wewe mwisraeli halisi jenga ushirika na Mungu wako vizuri ili akupatie mwisraeli na hayo ndiyo mapenzi ya Mungu. 

Na Mungu akubariki sana.



Taifa Teule Ministry

Mwl /Ev Mathayo Sudai

0744474230 / 0628187291 

Maoni

Chapisha Maoni

Machapisho maarufu kutoka blogu hii

JE NI DHAMBI KUSHEREHEKEA VALENTINE'S DAY?

-
Picha
                                  JE NI DHAMBI KUSHEREHEKEA VALENTINE'S DAY? Mimi ni  MATHAYO DAUDI SUDAI  ambaye kwa neema ya Mungu nakuletea somo hili ambalo limekuwa ni fumbo na kitendawili kwa watu wengi KITENDAWILI: Je! ni sahihi kwa mtu wa Mungu aliyeokoka ,kusherehekea siku ya valentine's day? JIBU: Valentine day ilianza katika karne ya 3,yaani mwaka 270,wakati Rumi ipo chini ya utawala wa mfalme CLAUDIUS II ambaye alikuwa ni mpagani asiye mwabudu Mungu wa kweli,JEHOVA. Mfalme huyu alikuwa na mbinu za kuimarisha nguvu ya jeshi ambapo aliamua kutoa amri ya kwamba wanajeshi wote wa Rumi  wanapaswa wajitoe kwa ukamilifu kwa nchi yao,hivyo hawapaswi kuoa akiamini kuwa jeshi bora linajengwa na watu ambao hawajaoa, kwa kusema kwamba;endapo wakioa watakuwa na mambo mengi ya shughuli za kifamilia hivyo hawatokuwa wakak...
Endelea kusoma

MAANDALIO YA MOYO NI YA MWANADAMU

-
Picha
                            MAANDALIO YA MOYO NI YA MWANADAMU  Bwana Yesu asifiwe wewe uliyependwa Sana na Mungu mwenyewe👏Nikualike katika Somo hili tujifunze pamoja kuhusu moyo wa mwanadamu na mtazamo wake. kwanza tujue nini maana ya moyo?  zipo maana mbili za moyo; Maana ya kwanza ya kawaida Moyo ni kuingo Cha mwili chenye mishipa ya damu inayosukuma damu kwenda katika sehemu mbalimbali za mwili. Maana ya pili ya Kiroho na hii ndiyo tutakayoiangalia Sana katika Somo hili. Moyo ni sehemu yetu ya Kiroho ambayo Imani, hisia na matamanio hukaa. Kwa maana hiyo tunapata kuelewa kabisa kwamba Mambo mengi yanayotokea kwenye maisha yako chanzo chake ni kwenye moyo. Mambo fulani yaliyokupata yawe mazuri au mabaya chanzo chake ni kwenye moyo wa mwanadamu. Tabia fulani ulizonazo zinaanzia ndani ya moyo wako. Kumbe kila kinachotokea mwanzo wake ni kwenye moyo. Tena moyo ni Hazina ya Mambo mengi, hutunza mambo yot...
Endelea kusoma

BWANA TUONGEZEE IMANI

-
Picha
TAIFA TEULE MINISTRY MORNING GLORY  Day : Growing up Friday Date: 28  April 2023 Na Beata  Silwimba            Title :  BWANA TUONGEZEE IMANI Luka 17:5-6 [5]Mitume wakamwambia Bwana, Tuongezee imani.[6]Bwana akasema, Kama mngekuwa na imani kiasi cha chembe ya haradali, mngeuambia mkuyu huu, Ng’oka, ukapandwe baharini, nao ungewatii. Petro akasema Bwana tuongeee Imani. Shalom👏 Unajua ni kwanini Hawa wanafunzi wa Yesu walimwambia Bwana tuongezee Imani???🤔 Yesu alikuwa na hawa wanafunzi (yaani Mitume) kwa muda mrefu Sana na walikuwa wameshajifunza Mambo  mengi kuhusu Yesu, na tayari walikuwa wamewamini na kumjua Kwamba yeye ndiye Kristo. Kwa mtazamo huo ni wazi Kwamba Kama ni Imani walikuwa nayo kwa sehemu. Kama ni Mamlaka tayari walikuwa nayo ya kumkemea pepo n.k Kama ni upako walikuwa nao hata wa kuwashuhudia wengine waweze kumwamini kristo Kama wao walivyo mwamini. Lakini kwa kawaida tu nimewaza Sana kwa naamna walivyokuwa  i...
Endelea kusoma